ကြာအင်းဆိပ်ကြီးမြို့ရှိ စက်သုံးဆီအရောင်းဆိုင် ၌ လက်ဝတ်ရတနာများအားလုယက်ယူဆောင်ကာ သေနတ်ဖြင့်ပစ်ခတ်သဖြင့် ၁ ဦးသေဆုံး
ကရင်ပြည်နယ်၊ကြာအင်းဆိပ်ကြီးမြို့၊ကြခတ်ချောင်းကျေးရွာအုပ်စု၊ကြာအင်းဆိပ်ကြီး-ဘုရားသုံးဆူသွားကားလမ်းဘေး၌ ဖွင့်လှစ်ထားသည့် “ချမ်းမြေ့ဝတီ”စက်သုံးဆီအရောင်းဆိုင်၌ ဇွန် ၁၃ ရက်ညပိုင်းက ဖြစ်ပွားခဲ့ခြင်းဖြစ်ကြောင်း နစက မှထုတ်ပြန်ခဲ့သည်။
ယင်းနေ့ည ၈ နာရီ ၅ မိနစ်ခန့်က စက်သုံးဆီအရောင်းဆိုင်သို့ အမည်မသိအမျိုးသား ၄ ဦးမှဆိုင်ကယ်ဖြင့်ရောက်ရှိလာကာ ဆိုင်ပိုင်ရှင်ဖြစ်သူဦးချစ်အောင်နှင့်မိသားစုဝင်များအား သေနတ်ပြခြိမ်းခြောက်ကာထိုင်ခိုင်ထားပြီး ဦးချစ်အောင်အားရိုက်နှက်၍ ရွှေလက်ကောက် ၂ ကွင်း၊ရွှေလက်စွပ် ၂ ကွင်း၊ပလက်တီနမ်ဆွဲကြိုး ၁ ကုံး၊စိန်လက်စွပ် ၁ ကွင်း(လက်ဝတ်ရတနာစုစုပေါင်းခန့် မှန်းတန်ဖိုး ၂၃၀ သိန်းခန့်)နှင့်ငွေ ၁၀ သိန်းကျပ်တို့အား လုယက်ယူဆောင်ခဲ့သည်။
ထိုသို့ ယူဆောင်ပြီးနောက် ဦးချစ်အောင်၏ ယောက်ဖတော်ဖြစ်သူ ဦးအေးဝင်းနိုင်(၄၅)နှစ်အား သေနတ်ဖြင့်ပစ်ခတ်၍ နေအိမ်ရှေ့ဝင်ပေါက် ၌ လက်လုပ်မိုင်းတစ်လုံးထောင်ကာ ဆိုင်ကယ်ဖြင့်ပြန်လည်ထွက်ခွာသွားခဲ့ကြောင်း သိရသည်။
သေနတ်ဖြင့်ပစ်ခတ်ခံရမှုကြောင့် ဦးအေးဝင်းနိုင်မှာ မေးအောက်၊နှာခေါင်းယာဘက်၊လည်ပင်းနှင့် ဦးခေါင်းနောက်စေ့တို့တွင် ကျည်ဖောက်ဝင်ဒဏ် ရာ ၄ ချက်ရရှိကာ အခင်းဖြစ်နေရာ၌ သေဆုံးသွားခဲ့ကြောင်း သိရသည်။
အခင်းဖြစ်နေအိမ်အား လုံခြုံရေးအဖွဲ့ဝင်များက လာရောက်စစ်ဆေးကာ ထောင်ထားသည့် လက် လုပ်မိုင်းအား သက်မဲ့ပြုလုပ်ခဲ့ကြောင်း သိရသည်။
ထို့နောက် လုံခြုံရေးအဖွဲ့ဝင်များမှ လုယက်မှုကျူး လွန်သူများအား ဖမ်းဆီးရမိရေးနှင့်ဥပဒေအရအ ရေးယူနိုင်ရေးတို့အတွက် ရှာဖွေစစ်ဆေးမှုများပြု လုပ်လျက်ရှိကြောင်း သိရသည်။