ကာဂျီစတန်နိုင်ငံ၊ မြို့တော် ဘီရှကက်(Bishkek) တွင် သြဂုတ်လနှောင်းပိုင်းနှင့် စက်တင်ဘာလဆန်းပိုင်းတို့၌ ကျင်းပရန် လျာထားသည့် ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) ထိပ်သီးအစည်းအဝေးသို့ ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ် တက်ရောက်မည်ဖြစ်ကြောင်း ကာဂျီစတန် နိုင်ငံခြားရေးဝန်ကြီးဌာနက ပြောကြားသည်။
“ကာဂျီစတန်သမ္မတနိုင်ငံ နိုင်ငံခြားရေးဝန်ကြီး ဇင်းဘတ် ကူလူဘာရက်ဗ်သည် ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်နှင့် တွေ့ဆုံဆွေးနွေးခဲ့သည်။ ရှန်ဟိုင်းပူးပေါင်းဆောင်ရွက်ရေးအဖွဲ့ ထိပ်သီးအစည်းအဝေးသို့ တက်ရောက်ရန် ကုလသမဂ္ဂ အထွေထွေအတွင်းရေးမှူးချုပ်၏ ဘီရှကက်မြို့သို့ လာရောက်မည့် ခရီးစဉ်ကိုလည်း အထူးအလေးပေး ဆွေးနွေးခဲ့ကြသည်” ဟု ဝန်ကြီးဌာန၏ သတင်းထုတ်ပြန်ချက်တွင်ဖော်ပြထားသည်။
“ထိပ်သီးအစည်းအဝေးသို့ တက်ရောက်ရန် ကာဂျီစတန်သမ္မတနိုင်ငံ သမ္မတ အက်စ် အန် ဂျာပါရော့ဗ် (S. N. Zhaparov) ၏ ဖိတ်ကြားချက်ကို ဝမ်းမြောက်စွာ လက်ခံကြောင်း ကုလအထွေထွေအတွင်းရေးမှူးချုပ်က ပြောကြားခဲ့သည်” ဟုလည်း ဝန်ကြီးဌာနက ဆက်လက်ဖော်ပြထားသည်။