ရှမ်းပြည်နယ်မြောက်ပိုင်း၊ သီပေါမြို့ရှိ သီပေါသီတဂူစက္ခုဒါနဆေးရုံ၏ (၅၅)ကြိမ်မြောက် အခမဲ့မျက်စိကုသမှုတွင် လူနာပေါင်း (၁၂၄၇)ဦးကို ကုသပေးနိုင်ခဲ့ကြောင်း အဆိုပါဆေးရုံ တာဝန်ခံဆရာတော်ထံမှ သိရသည်။
အခမဲ့မျက်စိကုသမှု အစီအစဉ်ကို ဇန်နဝါရီ (၂၆)ရက်မှ ဇန်န ဝါရီ(၃၁)ရက်အထိ (၆)ရက်ကြာ ကုသပေးခဲ့ရာ စမ်းသပ်စစ် ဆေးပေးခဲ့သည့် မျက်စိလူနာပေါင်း(၈၆၅)ဦး ၊ ခွဲစိတ်ကုသပေးခဲ့သော မျက်စိလူနာပေါင်း (၃၈၂)ဦး စုစုပေါင်း (၁၂၄၇) ဦး ရှိကြောင်း သိရသည်။
သီပေါသီတဂူစက္ခုဒါနဆေးရုံတွင် (၁) ကြိမ်မြောက်မှ ယခု (၅၅)ကြိမ်မြောက်အထိ စမ်းသပ်စစ်ဆေးမျက်စိလူနာပေါင်း (၃၇၅၇၂)ဦး၊ ခွဲစိတ်ကုသပေးသော မျက် စိလူနာပေါင်း (၉၄ ၆၀)ဦးအထိရှိပြီဖြစ်ကြောင်း သိရသည်။
သီပေါသီတဂူ စက္ခုဒါနဆေးရုံကို သီတဂူ ဆရာတော်ဘုရားကြီးက ၂၀၀၈ ခုနှစ်တွင် ဦးစီးဖွင့်လှစ်ပေးခဲ့ခြင်းဖြစ်ပြီး ဆေးရုံကြီးအား ကျပ်သိန်း (၁၃၃၃)ခန့် ကုန်ကျခန့်ဆောက် လုပ်ခဲ့ခြင်းလည်း ဖြစ်သည်။
ကိုဗစ်-၁၉ ကပ်ရောဂါကာလ စတင်သည့်အချိန်မှစတင်၍ စမ်းသပ်ခွဲစိတ်ကုသပေးမှုများအား ယာယီရပ်ဆိုင်းခဲ့ပြီး ၂၀၂၂ခုနှစ်၊ မေလမှစတင်၍ တစ်နှစ်လျှင် တစ်ကြိမ် ပြန်လ ည်ဖွင့်လှစ် ခွဲစိတ်ကုသပေးခဲ့ခြင်းဖြစ်ကြောင်း သိရသည်။