မလေးရှားနိုင်ငံ၊ ကွာလာလမ်ပူမြို့၌ လာမည့် မေလ (၁၆) ရက်မှ (၂၃) ရက်အထိ ကျင်းပမည့် Sepaktakraw World Cup 2026 (ISTAF) ပြိုင်ပွဲကြီးတွင် ဝင်ရောက်ယှဉ်ပြိုင်မည့် မြန်မာ့လက်ရွေးစင် ပိုက်ကျော်ခြင်းအသင်း၏ အပြီးသတ်ကစားသမား (၁၂) ဦးစာရင်းကို မြန်မာနိုင်ငံပိုက်ကျော်ခြင်းအဖွဲ့ချုပ်က ယနေ့ ထုတ်ပြန်လိုက်သည်။
အပြီးသတ် လူစာရင်း
ယခုလူစာရင်းတွင် ဝါရင့်ထိပ်တန်းကစားသမားများနှင့်အတူ ခြေစွမ်းထက်မြက်သည့် လူငယ်ကစားသမားများကို အချိုးကျ စုဖွဲ့ထားသည်ကို တွေ့ရပါသည် –
၁။ ဇင်မင်းဦး (အာဒစ်) ၂။ သန့်ဇင်ထွန်း (ဓာတ်လုံး) ၃။ အောင်အောင် (အောင်ကြီး) ၄။ အောင်မျိုးကျော် (မျိုးလေး) ၅။ ရှိန်းဝဏ္ဏဇော် (ရှိန်းလေး) ၆။ ရန်ပိုင်ဦး (ကျောင်းတိုက်) ၇။ ရဲထက် ၈။ ဟန်ဝင်းထွဋ် (အန့်ကူ) ၉။ သက်ပိုင်စိုး ၁၀။ မင်းသန့်သူ ၁၁။ ချစ်လွန်းပို ၁၂။ ရှင်းသန့်နောင်
အသင်းအုပ်ချုပ်မှုနှင့် နည်းပြအဖွဲ့
အဖွဲ့ခေါင်းဆောင်
ဦးအောင်မြင့်မြတ် (အဖွဲ့ချုပ် ဒုတိယဥက္ကဋ္ဌ)
အသင်းအုပ်ချုပ်သူ
ဦးမြင့်လွင်ဌေး
နည်းပြများ
ဦးကျော်မင်းစိုး နှင့် ဦးအောင်မျိုးဆွေ
မျှော်မှန်းချက်နှင့် ကတိကဝတ်
မြန်မာနိုင်ငံပိုက်ကျော်ခြင်းအဖွဲ့ချုပ်က “ကမ္ဘာ့ဖလားပြိုင်ပွဲကြီးမှာ မြန်မာ့အလံကို ထိပ်ဆုံးမှာ လွှင့်ထူနိုင်ရေးနဲ့ အောင်မြင်မှုတွေ ဆွတ်ခူးနိုင်ဖို့ အစွမ်းကုန် ကြိုးစားအားထုတ်သွားမယ်” ဟု အသိပေးထားသည်။ မြန်မာ့ပိုက်ကျော်ခြင်း ပရိသတ်များကလည်း အစဉ်အလာကောင်းသည့် မြန်မာအသင်းအနေဖြင့် ကမ္ဘာ့အဆင့်တွင် ဆုဖလားများ ဆွတ်ခူးနိုင်ရန် မျှော်လင့်အားပေးလျက် ရှိကြသည်။
ISTAF (International Sepaktakraw
Federation)အကြောင်း
ကမ္ဘာ့ပိုက်ကျော်ခြင်း အဖွဲ့ချုပ်က တိုက်ရိုက်ကြီးမှူးကျင်းပသောအမြင့်ဆုံးအဆင့် ပြိုင်ပွဲကြီး ဖြစ်သည်။
ကမ္ဘာ့အဆင့်သတ်မှတ်ချက်
ယခုပြိုင်ပွဲ တွင် ရရှိသော ရလဒ်များက နိုင်ငံတကာ ပိုက်ကျော်ခြင်း အဆင့်သတ်မှတ်ချက် (World Ranking) အတွက် အလွန်အရေးကြီးပါသည်။
မြန်မာ့ပိုက်ကျော်ခြင်း
မြန်မာနိုင်ငံ အနေဖြင့် ကမ္ဘာ့ပိုက်ကျော်ခြင်းလောကတွင် ထိပ်သီး (Powerhouse) နိုင်ငံတစ်နိုင်ငံဖြစ်ပြီး မလေးရှား၊ ထိုင်းနိုင်ငံများ နဲ့အတူ အမြဲတမ်း ဗိုလ်လုပွဲအဆင့်အထိ ရောက်ရှိလေ့ရှိသော အသင်းဖြစ်ပါသည်။