ပြီးခဲ့သည့် ၂၀၂၄ ခုနှစ် တစ်နှစ်တာကာလအတွင်း Good Rice Good Price အစီအစဉ်ဖြင့် ဆန်အိတ်ရေ (၅၀၀၀၀၀) ကျော်ရောင်းချပေးခဲ့ကြောင်းမြန်မာနိုင်ငံ ဆန်စပါးအသင်းချုပ်၏ Annual Report 2024 တွင် ဖော်ပြထားသည်။
ထိုကဲ့သို့ ရောင်းချပေးမှုအနေဖြင့် ဌာနဆိုင်ရာသို့ ပေါ်ဆန်း (10 kg) နှင့် ဧည့်မထ(10kg) အိတ်ရေ (၂၇၇၃၅၀)၊ စက်မှုဇုန်နှင့် စက်ရုံအလုပ်ရုံသို့ အိတ်ရေ (၂၉၅၉၄၀) ၊ အသင်း အဖွဲ့နှင့် အရောင်းဆိုင်များသို့ အိတ်ရေ (၂၈၄၈၄) စုစုပေါင်း အိတ်ရေ (၅၀၁၇၇၄) ရောင်းချပေးခဲ့ကြောင်း သိရသည်။
ထို့ပြင် ပြည်တွင်းဆန်ဈေးနှုန်းများမြင့်တက်လာမှုကြောင့် စက်ရုံအလုပ်ရုံ၊ စက်မှုဇုန်မှ ဝန်ထမ်းများ၊ အခြေခံလုပ်သားပြည်သူများ၊ ဌာနဆိုင်ရာများမှ ဝန်ထမ်းများ၊ အသင်းအဖွဲ့များအတွက် တစ်ပိုင်တစ်နိုင် တစ်လလျှင် (၁၀) ကီလိုဆန်အိတ်ငယ်များအဖြစ် ပေါ်ဆန်းဆန်(၁) အိတ်၊ ဧည့်မထဆန် (၁) အိတ်ကို ဈေးနှုန်းသက်သာစွာဖြင့် ၂၀၂၂ ခုနှစ်မှ စတင် ၍ လစဉ်ရောင်းချပေးခဲ့ကြောင်း သိရသည်။
ပုံမှန်အားဖြင့် ပေါ်ဆန်းဆန်(၁၀) ကီလိုအိတ်နှင့် ဧည့်မထဆ န် (၁၀) ကီလိုအိတ်များအား လစဉ်ပျမ်းမျှ (၂၀၀၀၀) မှ (၃၀၀၀၀) ခန့်အထိ ရောင်းချပေးနိုင်ခဲ့ကြောင်းလည်း သိရသ ည်။