ရွှေစာရံဘုရားသည် မန္တလေး တိုင်း၊ ပုသိမ်ကြီးမြို့နယ်တွင် ရှိ၏။ အနော်ရထာမင်း၏ မိဖုရားတစ်ပါး ဖြစ်သော ရှမ်းမင်း သမီးစောမွန်လှ တည်ထား ခဲ့ခြင်းဖြစ်၏။ ထို့အပြင် ကျော်လေးဆူစာရင်းတွင် ပါဝင် ကြောင်း ကင်းဝန်မင်းကြီး၏ စခန်း စဉ်လင်္ကာတွင်ဖော်ပြထား၏။ “အရှေ့ရွှေစာရံ၊ ပုဂံအနောက်၊ တောင်မြောက်ယဉ်မျှော၊ သီဟတော” ဟုဆိုလေ၏။ ၄င်းကျော် လေးဆူမှာ အရှေ့တွင် ရွှေစာရံဘုရား၊ အနောက်တွင် ရွှေစည်းခုံ ဘုရား၊ တောင်ဘက်တွင် ရွှေယင်မျှော်ဘုရား၊ မြောက်ဘက်တွင် အ ညာသီဟ တော ဘုရားတို့ပင် ဖြစ်လေ၏။ ထို့အပြင် ရွှေစာရံဘုရားသည် ဝတ်မိုး၊ ဝတ်မြေဘုရား ၂၃ ဆူတွင်ပါဝင်၏။
ရှမ်းမင်းသမီး စောမွန်လှ သည် အနော်ရထာ ဘုရင်နှင့် ပုဂံ နေပြည်တော်သို့ လိုက်ပါသွားပြီးရှမ်း ပြည်သို့ အပြန်ခရီး တွင် ရွှေစာရံ ဘုရားအား တည်ထားခဲ့ခြင်းဖြစ်၏။ စောမွန်လှသည် ပုဂံပြည်မှ တစ်ဆင့် ညောင်ဦးရွာ၊ ညဥ့်ရွာ၊ ပလင်း၊ လက်ထုတ်၊ ကောင်းစည်ရွာ၊ တူရွင်းတောင်၊ ဂဝံတေ့မြို့သစ်စခန်း၊ ကျွန်း ဘားရွာ တို့ကို လွန်မြောက်ပြီး ပန်းချောင်း (ယခုနားတောင်းကျချောင်း) သို့ရောက်ရှိ၏။ မိဖုရားတွင် မြနားတောင်းပန်ဆင်ထား၏။ ထိုမြနားတောင်း တစ်ရံမှ ညာဘက် နားတောင်းတွင် ဓာတ်တော်၊ မွေတော်များ ကိန်းဝပ်နေသည် ဆို၏။ အဆိုပါ ပန်းချောင်း(နားတောင်းကျချောင်း)တွင် ရေသန့်စင်စဉ် မိဖုရားစောမွန်လှ နားမှနားတောင်း ကျွတ် ကျလေ၏။ ရေတွင် ကျသည် ထင်၍ ရေငုပ် ရှာဖွေသော်လည်း မတွေ့၊ ကောင်းကင်ယံ လေထဲတွင် စာသူငယ် အပေါင်း ဝန်းရံပြီး တည်နေ၏။ မွေတော် ဓာတ်တော်များ ပြာဋိဟာပြသည်ဆိုလေ၏။
ဤ အကြောင်းကို စောမွန်လှမြင်သော် ရှိခိုးပူဇော်ပြီး အဓိဌာန် ပြုလေ၏။ နားတောင်း လည်း စောမွန်လှနားဝယ်၊ ဝတ်မြဲအတိုင်း တည်လေ၏။ ပန်းချောင်း အားလည်း ထိုစဉ်မှစ၍ နားတောင်းကျ ချောင်းဟုခေါ်တွင် ခဲ့ကြလေ၏။ ထို့နောက်ဘုရား တည်ရန်နေရာ ကိုရှာဖွေ၏။ အဘယ ခေမာ ကုန်းတွင် ဓာတ်တော် ကိန်းဝပ်၍ မြနားတောင်းကို ဌာပနာပြီး ဥာဏ်တော်ငါး တောင် ပဏာမရှိသောဘု ရားလိုဏ်ဂူတည်၏။ ဘုရားဘွဲ့တော် အမည် အားလည်း ကောင်းကင် ၌မွေတော်ကို စာသူငယ် များဝန်း ရံလျက် တည်သည် ကိုစွဲ၍ ရွှေစာရံ ဘုရားဟု ဘွဲ့ဆက်ကပ်၏။ ရွှေစာရံ ဘုရား တည်ရာအရပ်သည် ဘုရား အလောင်းတော် မြွေငန်း ခုနှစ်ကြိမ် အဖြစ် နေထိုင်ခဲ့ဖူးသည် ဆိုလေ၏။ စောမွန်လှ ဘုရားတည် ကြောင်း အနော် ရထာမင်း ကြားသိသော် သက္ကရာဇ် ၄၁၆ ခု၊ တန်ဆောင်မုန်း လဆန်း ၁ဝ ရက်နေ့တွင် မြေတာ ၁ဝဝဝ ကျော်လှူ၏။ မြေးတော် အလောင်းစည်သူမင်းလက်ထက် သက္ကရာဇ် ၄၈၅ ခုတွင် သင်ပုတ်ဝတ် အဖြစ် “အရှေ့သမ္ဘာချောင်း၊ တောင်မြစ်ငယ်မြစ်၊ အနောက်ပန်းချောင်း (နားတောင်းကျချောင်း) တစ်ဖက် ယင်းမာပင်၊ မြောက်နကဲ့ ချောင်း၊ နကဲ့တောင်” တို့ကို သတ်မှတ် ပေးတော်မူ၏။ အတွင်းမြေကို ရွာနှင့်တကွ လှူပြန်သေး၏။ ဝတ်သိမ်၊ ဝတ်ချက်၊ ဝတ်မြတ်သိမ်း ရန်အတွက် ကျွန်၅ဝ အား အိမ်နှင့် အတူ လှူခဲ့၏။ မိုးညှင်းမင်းလက်ထက် တွင် ဥာဏ်တော်သံတောင် ၃ဝ၊ စဥ့်ကူး မင်းလက်ထက် မယ်တော် မိဖုရားခေါင်ကြီးက ထပ်မံပြင်ဆင်၍ ရွှေထီး တော်တင်ခြင်း၊ စေတီတစ်ဆူ လုံး ရွှေအပြည့် ချတော်မူ ၏။ နောက်ပိုင်းမင်း အဆက်ဆက် ခေတ်အ ဆက်ဆက်ပြုပြင်လာမှု ကြောင့် ယခုဖူးတွေ့ရသည့် စေတီတော်မြတ်ကြီး၏ ဥာဏ်တော် အထိ ဖြစ်လာခဲ့လေ၏။ သက္ကရာဇ် ၁၂၈ဝ ခုနှစ်တွင် ရသေ့ကြီး ဦးခန္တီသည် ဆရာတော်ကြီးများ၏ သြဝါဒ ခံယူပြီး အဘက် ဘက် မှပြု ပြင်ခဲ့ပြန် ၏။ ယခုအခါ အများပြည်သူ အလှူရှင်များ၏ ကောင်းမှုဖြင့် ၁၅ ပေ အခန်းပေါင်း ၁၆၈ ခန်းနှင့် တိုင် ၂၂၄ တိုင်တို့အား မှန်စီထား နိုင်ခဲ့ လေ၏။ မန္တလေးတောင် တော်ပြီးလျှင်မှန်စီ အခန်း၊ တိုက်များကို ကြည် နူးဖွယ်ရာ တွေ့မြင်နိုင်၏။ ရွှေစာရံ ဘုရား ပွဲတော်အား နှစ်စဉ် တပေါင်းလပြည့်နေ့မှ လပြည့်ကျော် ၉ ရက် နေ့အထိကျင်းပ၏။ ယခု အချိန်တွင် လမ်းပန်း ဆက်သွယ်ရေး ကောင်းမွန် လာသဖြင့် ဘုရားပွဲချိန်တွင်မက နေ့စဉ်ပင် ဘုရားဖူးလာ သူများနှင့် စည်ကားလျက် ရှိနေလေ၏။
နိုင်ထွန်း (TGI)