ရန်ကုန်၊ ဇူလိုင် ၂၅
AFF Championship Hyundai Cup 2026 ပြိုင်ပွဲ အုပ်စုအဖွင့်ပွဲစဉ်အဖြစ် ယနေ့ ဇူလိုင် ၂၅ ရက် ညနေပိုင်းက ယှဉ်ပြိုင်ကစားခဲ့သည့် မြန်မာနှင့် မလေးရှားတို့၏ ပွဲစဉ်တွင် မြန်မာအသင်းက ပထမပိုင်း၌ ဦးဆောင်ဂိုး စတင်ရရှိခဲ့သော်လည်း ပွဲပြီးဆုံးချိန်တွင် ၂-၁ ဂိုးရလဒ်ဖြင့် မလေးရှားအသင်းကို ရှုံးနိမ့်ခဲ့သည်။
အဆိုပါပွဲစဉ် ပထမပိုင်း စတင်ပြီး ၁၀ မိနစ်တွင် မြန်မာအသင်းအတွက် ကွင်းလယ်လူ မြတ်ကောင်းခန့်က ဦးဆောင်ဂိုး စတင်သွင်းယူပေးခဲ့သဖြင့် မြန်မာအသင်း ပွဲကို အသာစီးရရှိခဲ့ပြီး ပထမပိုင်းကို ၁-ဂိုး ၀-ဂိုးဖြင့် ဦးဆောင်နိုင်ခဲ့သည်။
သို့သော်လည်း ဒုတိယပိုင်း ပွဲချိန် ၅၁ မိနစ်နှင့် ၅၆ မိနစ်တို့တွင် မလေးရှားအသင်းမှ တိုက်စစ်မှူး Paulo Josue က ၅ မိနစ်အတွင်း ချေပဂိုးနှင့် အနိုင်ဂိုး ၂ ဂိုး ဆက်တိုက် သွင်းယူသွားခဲ့သည့်အတွက် မြန်မာအသင်း ပွဲအပြီးတွင် ၂-၁ ဂိုးဖြင့် ရှုံးနိမ့်ခဲ့ရခြင်းဖြစ်သည်။
မြန်မာ့လက်ရွေးစင်အသင်းသည် အုပ်စုဒုတိယပွဲစဉ်အဖြစ် လာမည့် ဩဂုတ် ၄ ရက်နေ့တွင် လာအိုအသင်းကို အိမ်ရှင်အဖြစ် ဧည့်ခံယှဉ်ပြိုင်ကစားသွားရမည်ဖြစ်သည်။