“အွန်လိုင်းလိမ်လည်မှုတို-က်ဖျ-က်ရေးဥပဒေ” ပြဋ္ဌာန်း

Scam Center များ၌ လူ‌ေ-သဆုံးမှုဖြစ်စေသည့် ပြစ်မှုများကို ‌ေ-သဒ-ဏ်အထိ ချမှတ်နိုင်

နေပြည်တော်၊ ဩဂုတ် ၁

နိုင်ငံအတွင်း အွန်လိုင်းလိမ်လည်မှုများကို ထိရောက်စွာ တားဆီးနှိမ်နင်းနိုင်ရန် ရည်ရွယ်၍ “အွန်လိုင်းလိမ်လည်မှုတို-က်ဖျ-က်ရေးဥပဒေ” ကို ပြည်ထောင်စုလွှတ်တော်က ဇူလိုင် ၃၁ ရက်တွင် အတည်ပြုပြဋ္ဌာန်းခဲ့ကြောင်း နိုင်ငံပိုင်သတင်းစာများတွင် ယနေ့ ထုတ်ပြန်ကြေညာထားသည်။

အဆိုပါဥပဒေသည် ၂၀၂၆ ခုနှစ် ပြည်ထောင်စုလွှတ်တော်ဥပဒေအမှတ် (၃) အဖြစ် ပြဋ္ဌာန်းခဲ့ခြင်းဖြစ်ပြီး အွန်လိုင်းငွေကြေးလိမ်လည်မှုလုပ်ငန်းများကို ထိရောက်စွာ နှိမ်နင်းနိုင်ရန် ပြင်းထန်သည့် ပြစ်ဒ-ဏ်များနှင့် ငွေကြေးစီးဆင်းမှုကို အမြန်တားဆီးနိုင်မည့် လုပ်ထုံးလုပ်နည်းများ ထည့်သွင်းပြဋ္ဌာန်းထားသည်။

ဥပဒေအရ အွန်လိုင်းလိမ်လည်မှုစင်တာ (Scam Center) များတွင် လူကုန်ကူးခြင်း၊ ညှဉ်းပန်းနှိပ်စက်ခြင်း သို့မဟုတ် တရားမဝင် ဖမ်းဆီးချုပ်နှောင်ခြင်းတို့ကို ကျူးလွန်ပါက ထောင်ဒ-ဏ် ၁၀ နှစ်မှ တစ်သက်တစ်ကျွန်း အထိ ချမှတ်နိုင်ပြီး ယင်းလုပ်ရပ်များကြောင့် လူသေဆုံးမှုဖြစ်ပွားပါက သေဒဏ် ချမှတ်ရမည်ဟု ပြဋ္ဌာန်းထားသည်။

ထို့ပြင် ငွေလိမ်ခံရကြောင်း စိစစ်တွေ့ရှိပါက သံသယရှိသော ဘဏ်အကောင့်များကို ၁၅ မိနစ်အတွင်း ချက်ချင်းပိတ်ဆို့ (Freeze) ရမည်ဖြစ်ပြီး သံသယဖြစ်ဖွယ် အကောင့်များကို ၇၂ နာရီအထိ ယာယီဆိုင်းငံ့ထားနိုင်သည့် လုပ်ပိုင်ခွင့်ကိုလည်း သက်ဆိုင်ရာအဖွဲ့အစည်းများအား အပ်နှင်းထားကြောင်း သိရသည်။

ယင်းဥပဒေတွင် အခန်း ၁၂ ခန်း၊ ပုဒ်မ ၆၃ ခု ပါဝင်ပြီး အွန်လိုင်းလိမ်လည်မှုများကို တားဆီးကာကွယ်ရေး၊ တားမြစ်ချက်များနှင့် ပြစ်ဒ-ဏ်ဆိုင်ရာ ပြဋ္ဌာန်းချက်များကို အသေးစိတ် သတ်မှတ်ထားကြောင်း နိုင်ငံပိုင်သတင်းစာများတွင် ဖော်ပြထားသည်။