အုပ်စုမှတက်ရန်ရည်မှန်းထားသဖြင့် ပွဲတိုင်းအ ကောင်းဆုံးကြိုးစားမည်ဟု မြန်မာ့လက်ရွေးစင် အမျိုးသမီးဖူဆယ်အသင်းနည်းပြချုပ် ဘန်လက်ခ် ကပြောသည်။
AFC Women’s Futsal Asain Cup 2025 China (Qualifiers)ပွဲ၏ အုပ်စု(D)ပွဲစဥ်များအတွက် ပွဲကြိုသတင်းစာရှင်းလင်းပွဲအား ယနေ့ ဇန်နဝါရီ ၁၄ ရက်နေ့လည် ၁ နာရီက သုဝဏ္ဏဘောလုံးကွင်း၌ပြုလုပ်စဥ် ပြောကြားခဲ့ခြင်းဖြစ်သည်။
“ကျွန်တော်တို့ အိမ်ကွင်းပရိသတ်ရှေ့မှာ ရလဒ်ကောင်းတွေရဖို့ကြိုးစားပါမယ်။ ဒီပွဲအတွက် ကြို တင်ပြင်ဆင်မှုတွေအများကြီးလုပ်ထားသလို ပြိုင်ပွဲအတွက်လည်း အသင့်ဖြစ်နေပါပြီ”ဟု မြန်မာ့လက်ရွေးစင် အမျိုးသမီးဖူဆယ်အသင်းနည်းပြချုပ် ဘန်လက်ခ် ကပြောသည်။
ထို့ပြင် အုပ်စုမှတက်ရန်ရည်မှန်းထားသဖြင့် ပွဲစဥ်တိုင်းကို အကောင်းဆုံးကြိုးစားသွားမည်ဖြစ်ကာ အုပ်စု(D)တွင် ဗီယက်နမ်အသင်းသည် အ တောင့်တင်းဆုံးအသင်းဖြစ်ပြီး ၎င်းတို့နှင့်နောက်ဆုံးတွေ့ဆုံချိန်က အရေးနိမ့်ထားသဖြင့် ယင်း ပွဲစဥ်အား ပြန်လည်သုံးသပ်မှုများပြုလုပ်ကာ မနက်ဖြန်အတွက် ပြင်ဆင်ထားသဖြင့် အနိမ့်ဆုံး သရေ(၁)မှတ်(သို့)နိုင်ပွဲတစ်ခုခုရရှိရန် တစ်သင်းလုံးကြိုးစားသွားမည်ဟုလည်း ပြောကြားခဲ့သည်။
ထို့အတူ ဗီယက်နမ် အမျိုးသမီးဖူဆယ်အသင်း နည်းပြချုပ် ငုယင်ဒင်ဟန်းမှလည်း မြန်မာဖူဆယ်အသင်းသည် ယခုလက်ရှိနည်းပြတာဝန်ယူနေချိန်တွင် တိုးတက်မှုများရှိလာသည်ကိုတွေ့ရပြီး အဝေးကွင်း၌ လာရောက်ကစားရသည့်ထုံးစံအတိုင်းခက်ခဲမှုများရှိသော်လည်း မြန်မာအသင်းနှင့်အဖွင့်ပွဲအတွက် လေ့ကျင့်ပြင်ဆင်မှုများပြုလုပ်ထားပြီးဖြစ်၍ အနိုင်ရမည်ဟုယုံကြည်ကာ အုပ်စုတွင်းပြိုင်ဘက်တွေအားလုံးသည် အသင်းကောင်းများဖြစ်ရာ ပွဲစဉ်တိုင်းမှာခက်ခဲမည်ဟု ပြောကြားခဲ့သည်။
ထို့ပြင် တရုတ်တိုင်ပေ အမျိုးသမီးဖူဆယ်အ သင်းနည်းပြုချုပ် ရှဲလ်လီချွန်းမှလည်း အသင်းတိုင်းမှ ခြေစစ်ပွဲအောင်ရန်ရည်မှန်းပြီး အစွမ်း ကုန်ကြိုးစားကြမည်ဖြစ်၍ လွယ်ကူသည့်ပွဲစဥ်များဖြစ်လာမည်မဟုတ်ဟု ပြောကြားခဲ့သည်။
ထို့အတူ အုပ်စုတွင်းပြိုင်ဘက်များသည် အသင်းကောင်းများဖြစ်၍ အစွမ်းကုန်ကြိုးစားသွားမည်ဖြစ်ကာ မကာအိုအသင်းမှကစားသမားများအနေဖြင့် ယခုပြိုင်ပွဲအား ပျော်ရွှင်စွာအားကစားစိတ်ဓာတ်အပြည့်၊ ပြိုင်ပွဲဝင်စိတ်အပြည့်နှင့် ကစားနိုင်ရေးသည် မကာအိုအသင်း၏ဦးစားပေး ရည်မှန်းချက်ဖြစ်သည်ဟု မကာအို အမျိုးသမီးဖူဆယ်အသင်းနည်းပြချုပ် ချန်ကာချွန်း ကပြောကြားခဲ့သည်။
မြန်မာ့လက်ရွေးစင် အမျိုးသမီးဖူဆယ်အသင်းသည် AFC Women’s Futsal Asain Cup 2025 China (Qualifiers)ပွဲစဥ်များအဖြစ် ဇန်နဝါရီ ၁၅ ရက်(မနက်ဖြန်)တွင် ဗီယက်နမ်အသင်း၊ ဇန်နဝါ ရီ၁၇ ရက်တွင် တရုတ်တိုင်ပေအသင်း၊ ဇန်နဝါရီ ၁၉ ရက်တွင် မကာအိုအသင်းတို့နှင့် ယှဥ်ပြိုင်ကစားသွားမည်ဖြစ်သည်။