အိန္ဒိယ အစိုးရ၏ အသေးစား ဖွံ့ဖြိုးတိုးတက်ရေး စီမံကိန်းအသစ် (၃)ခုအတွက် ပံ့ပိုးကူညီမှုဆိုင်ရာနားလည်မှု စာချွန်လွှာကို နေပြည်တော်တွင် လက်မှတ်ရေးထိုးခဲ့ကြောင်း သိရသည်။
အစိုးရ၊ လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနညွှန်ကြားရေးမှူးချုပ် ဒေါက်တာစန်းစန်းအေးနှင့် မြန်မာနိုင်ငံဆိုင်ရာ အိန္ဒိယနိုင်ငံသံရုံး၏ ဒုတိယအကြီးအကဲ Shri Ashish Sharma တို့သည် လူမှုအခြေပြု အခြေခံအဆောက်အအုံများကို အထူးအာရုံစိုက်မှုဖြင့် ကျွမ်းကျင်မှုဆိုင်ရာ ဆောင်ရွက်ချက်များဖြင့် ချိတ်ဆက်၍ ကျား၊ မဆိုင်ရာ အသက်မွေးဝမ်းကျောင်းမှု မြှင့်တင်ရေး နှင့် လူ့အဖွဲ့အစည်းအတွင်း ခွဲခြားဆက်ဆံခြင်းခံရသောသူများ၏ ကဏ္ဍများကိုပံ့ပိုးကူညီရန်ရည်ရွယ်ကြောင်း သိရသည်။
အဆိုပါ စီမံကိန်းများထဲမှနှစ်ခုတွင် မြန်မာနိုင်ငံရှိ ပြည်နယ်နှင့်တိုင်းဒေသကြီး (၁၀) ခုရှိ
Home Science School တွင် သက်မွေးဝမ်းကျောင်းသင်တန်းနှင့် စာသင်ခန်းဆိုင်ရာ အခြေခံအဆောက်အအုံများ ပံ့ပိုးပေးခြင်းတို့ ပါဝင်ကြောင်း၊ အဆိုပါစီမံကိန်းများသည် ရန်ကုန်၊ မန္တလေး၊ မော်လမြိုင်၊ တောင်ငူ၊ မြစ်ကြီးနား၊ ဖျာပုံ၊ ပုသိမ်၊ ရွာငံ၊ စစ်တွေ၊ ဟားခါး နှင့် ထားဝယ် စသည့်မြို့ကြီး (၁၁) မြို့ကို ဖြန့်ကျက်ဆောင်ရွက်သွားမည်ဖြစ်ကြောင်း သိရသည်။
ထို့ပြင် တတိယစီမံကိန်းသည် ရန်ကုန်၊ မန္တလေး၊ ကချင်၊ ရှမ်းနှင့် ကရင်ပြည်နယ် အပါအဝင် ပြည်နယ်နှင့် တိုင်းဒေသကြီး (၅) ခုတွင် မူးယစ်ဆေးစွဲခဲ့ကြသူများ ပြန်လည် ထူထောင်ရေးအတွက် အသက်မွေးဝမ်းကြောင်းဆိုင်ရာသင်တန်းများ ဖွင့်လှစ်ခြင်းနှင့် သင်ကြားရေးအထောက်အကူများ ပေးအပ်ခြင်းတို့ကို အဓိကထား ဆောင်ရွက်သွားမည်ဖြစ်ကြောင်း သိရသည်။
အသေးစား ဖွံ့ဖြိုးတိုးတက်ရေး စီမံကိန်းများ အကောင်အထည်ဖော်ရေးအတွက် အိန္ဒိယ ထောက်ပံ့ကူညီရေး နားလည်မှုစာချွန်လွှာမူဘောင်ကို ၂၀၁၀ ခုနှစ် ဇူလိုင်လ (၂၇) ရက်တွင် လက်မှတ်ရေးထိုးခဲ့ပြီး ၂၀၁၅ ခုနှစ် ဇူလိုင်လ (၂၈)ရက်နှင့် ၂၀၂၀ ခုနှစ် ဇူလိုင်လ (၂၈) ရက်တွင် နှစ်ကြိမ် သက်တမ်းတိုးခဲ့ကြောင်း သိရသည်။
အသေးစားဖွံ့ဖြိုးတိုးတက်ရေး မံကိန်း မူဘောင်အရ အိန္ဒိယနိုင်ငံအစိုးရသည် စစ်ကိုင်းတိုင်း မုံရွာမြို့ရှိ မျိုးသမီးနှင့် ကလေ-းဆေးရုံကြီး အဆင့်မြှင့်တင်ရေး၊ ရခိုင်ပြည်နယ် စစ်တွေ ကွန်ပျူတာ တက္ကသိုလ်သို့ ကွန်ပျူတာများ ထောက်ပံ့မှု နှင့် ရခိုင်ပြည်နယ်သို့ ထွန်စက်များနှင့် စပါးရိတ်သိမ်းစက်များ ထောက်ပံ့မှုအပါအဝင် အကျိုးသက်ရောက်မှုရှိသည့် စီမံကိန်းများအတွက်ပံ့ပိုးကူညီမှုများကို တိုးချဲ့ဆောင်ရွက်လျက်ရှိသလို မြန်မာနိုင်ငံရှိ အမျိုးသမီးများ၊ကလေ-းသူငယ်များနှင့် ခွဲခြားဆက်ဆံခြင်းခံရသောလူမှုအသိုက်အဝန်းများ၏ဖွံ့ဖြိုးတိုးတက်မှုကို ပံ့ပိုးကူညီသွားမည်ဖြစ်ကြောင်း သိရသည်။