မြန်မာနိုင်ငံ စွမ်းအင်ဝန်ကြီးဌာန၊ မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) တို့နှင့် ဆက်သွယ်ညှိနှိုင်း ပူးပေါင်းဆောင်ရွက်မှုကို ပိုမိုနက်ရှိုင်းစေရန်နှင့် ယဉ်ကျေးမှုဖလှယ်ရေးကို စဉ်ဆက်မပြတ် မြှင့်တင်ရန်အတွက်ရည်ရွယ်၍၊ အရှေ့တောင်အာရှ ရေနံနှင့် သဘာဝဓာတ်ငွေ့ပိုက်လိုင်းကုမ္ပဏီ (SEAOP/SEAGP) မှ ကြီးမှူးကျင်းပသည့် ဒုတိယအကြိမ်မြောက် “စွမ်းအင်ဖလား” ချစ်ကြည်ရေး ပိုက်ကျော်ခြင်း ပြိုင်ပွဲကို ဒီဇင်ဘာလ ၃၀ ရက်နေ့တွင် နေပြည်တော်၌ ကျင်းပခဲ့သည်။
ပြိုင်ပွဲသို့ မြန်မာနိုင်ငံ စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်၊ ဒုတိယဝန်ကြီး ဦးကျော်နိုင်ဝင်း၊ အမြဲတမ်းအတွင်းဝန် ဦးထက်သျှန်ဖြိုး၊ SEAOP/SEAGP ဥက္ကဋ္ဌ Mr. Wang Qiang နှင့် ဒုတိယဥက္ကဌ Mr. Zhao Huatao တို့ တက်ရောက် ကြည့်ရှုအားပေးခဲ့ကြသည်။
အဆိုပါပြိုင်ပွဲတွင် မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) နှင့် SEAOP/SEAGP တို့မှ ကိုယ်စားပြုအသင်း ၄ သင်း၊ အားကစားသမား ၂၀ ဦးတို့ ပါဝင်ယှဉ်ပြိုင်ခဲ့ကြသည်။
ပြိုင်ပွဲတွင် ပထမဆု (ချန်ပီယံ)ကို SEAGP ကိုယ်စားပြုအသင်း၊ ဒုတိယဆုကို MOGE (A) အသင်း၊ တတိယဆုကို SEAOP ကိုယ်စားပြုအသင်းတို့က ရရှိခဲ့ကြသည်။
ဆုပေးပွဲအခမ်းအနားတွင် ပြည်ထောင်စုဝန်ကြီး ဦးကိုကိုလွင်က ဆုဖလားများ ပေးအပ်ချီးမြှင့်ခဲ့ပြီး အားကစားသမားများ၏ ကြိုးပမ်းမှုကို ဂုဏ်ပြုစကား ပြောကြားခဲ့သည်။
