ရုရှားနိုင်ငံသား Alexander Vinnik ကို အမေရိကန်နိုင်ငံသား Marc Fogel နှင့် လဲလှယ်လွှတ်ပေးခြင်းသည် ဝါရှင်တန်နှင့် မော်စကိုအကြား ယုံကြည်မှုတည်ဆောက်ရေး ခြေလှမ်းဖြစ်ကြောင်း အမေရိကန်သမ္မတ ဒေါ်နယ်ထရမ့်၏ အရှေ့အလယ်ပိုင်းဆိုင်ရာ အထူးကိုယ်စားလှယ် စတီဗင်ဝစ်အော့ဖ်ကမျှော်လင့်ထားသည်။
“ကျွန်တော်တို့မှာ တကယ့်ကို ကောင်းမွန်တဲ့ လမ်းကြောင်း တစ်ခု ရှိခဲ့ပါတယ်၊ အဲဒါဟာ တကယ့်ကို ယုံကြည်စိတ်ချရပြီး အလွန်အထောက်အကူပြုခဲ့ပါတယ်။ ဒါဟာ ထရမ့်အစိုးရအဖွဲ့နဲ့ ရုရှားသမ္မတ ပူတင်အကြား ယုံကြည်မှု တည်ဆောက်ရေးအတွက် အများကြီး အထောက်အကူပြုခဲ့တယ်လို့ ထင်ပါတယ်” ဟု ဝစ်အော့ဖ်က Fox News ရုပ်သံလိုင်းမှ ထုတ်လွှင့်ခဲ့သော တွေ့ဆုံမေးမြန်းခန်းတစ်ခုတွင် ပြောကြားခဲ့သည်။
ထို့အပြင် ၎င်းက မကြာသေးမီက ပြီးစီးခဲ့သော အကျဉ်းသားလဲလှယ်မှုသည် ယူကရိန်းပဋိပက္ခဖြေရှင်းရေးအပါအဝင် အနာဂတ်တွင် “ကြီးမားသော အကျိုးကျေးဇူးများ” ရရှိလာနိုင်ကြောင်းကိုလည်း သူကမှတ်ချက်ချခဲ့သည်။
ဝစ်အော့ဖ်သည် မကြာသေးမီကပင် ရုရှားနိုင်ငံသို့ သူကိုယ်တိုင်သွားရောက်ခဲ့ပြီး မူးယစ်ဆေးဝါး တရားမဝင်ကူးသန်းရောင်းဝယ်မှုဖြင့် ထိုနိုင်ငံတွင် ထောင်ဒဏ်ကျခံနေရသူ အမေရိကန်နိုင်ငံသား Marc Fogel ကို အမေရိကန်သို့ ပြန်လည်ခေါ်ဆောင်လာခဲ့သူဖြစ်သည်။
ယူကရိန်းပဋိပက္ခဖြေရှင်းရေးနှင့်ပတ်သက်၍ မော်စကိုနှင့် ညှိနှိုင်းဆွေးနွေးမည့်သူများအဖြစ် ထရမ့်က ဖော်ပြခဲ့သော ဝါရှင်တန်ကိုယ်စားလှယ်များထဲတွင် ဝစ်အော့ဖ်လည်း ပါဝင်ခဲ့သည်။