သြဂုတ်လ ၄ ရက်နေ့က စင်ကာပူပါလီမန် လွှတ်တော်အတွင်းသို့ မဟာချက်ကရီ သီရိဒုံမင်းသမီး ရောက်လာချိန်တွင် လွှတ်တော်အမတ်များက မတ်တပ်ရပ်၍ သြဘာပေးကြိုဆိုခဲ့ကြသည်။
လွှတ်တော်ဥက္ကဋ္ဌ စီးကင်းပင်း (Seah Kian Peng) က မင်းသမီးကို တရားဝင် မိတ်ဆက်ပေးခဲ့ပြီး မင်းသမီးသည် ထိုင်းနိုင်ငံ ချုလာချုံမ်ကလောက် ဘုရင့်တပ်မတော် စစ်တက္ကသိုလ် (Chulachomklao Royal Military Academy) မှ ကိုယ်စားလှယ်အဖွဲ့နှင့်အတူ လွှတ်တော်အစည်းအဝေး ကျင်းပပုံများကို ကြည့်ရှုလေ့လာခဲ့သည်။ မင်းသမီးနှင့်အတူ လိုက်ပါလာသည့် ထိုင်းစစ်ဘက်ဆိုင်ရာ ဝန်ထမ်းအများအပြားသည်လည်း လေ့လာကြည့်ရှုသူများနေရာမှ စောင့်ကြည့်ခဲ့ကြသည်။
လွှတ်တော်သို့ သွားရောက်လေ့လာသည့် အဆိုပါခရီးစဉ်သည် သြဂုတ်လ ၂ ရက် နေ့မှ ၄ ရက်နေ့အထိ စင်ကာပူနိုင်ငံသို့ ၃ ရက်ကြာ သွားရောက်ခဲ့သော မင်းသမီး၏ လေ့လာရေးခရီးစဉ်၏ တစိတ်တစ်ဒေသဖြစ်သည်။
အဆိုပါ ခရီးစဉ်အစီအစဉ်သည် စင်ကာပူနိုင်ငံ၏ သမိုင်းနှင့် ဖွံ့ဖြိုးတိုးတက်မှုများအပေါ် အဓိကထားခဲ့ပြီး၊ SAFTI စစ်ဘက်ဆိုင်ရာ အင်စတီကျုရှိ ဗိုလ်လောင်းသင်တန်းကျောင်း (Officer Cadet School)၊ စင်ကာပူဗဟိုဘဏ် (Monetary Authority of Singapore Gallery) နှင့် စိန့်တိုဆာ (Sentosa) ရှိ Fort Siloso သို့ သွားရောက်လေ့လာမှုများလည်း ပါဝင်ခဲ့သည်။
ယခု ခရီးစဉ်သည် မင်းသမီးအနေဖြင့် ယခုနှစ်အတွင်း စင်ကာပူနိုင်ငံသို့ဒုတိယအကြိမ်မြောက် လာရောက်သည့် ခရီးစဉ်ဖြစ်သည်။ ဇန်နဝါရီလတုန်းကလည်း ၂၀၂၆ ကမ္ဘာ့လူငယ်သိပ္ပံပညာရှင်များ ထိပ်သီးအစည်းအဝေး (Global Young Scientists Summit) ဖွင့်ပွဲသို့ တက်ရောက်ခဲ့သည်။
ဓါတ်ပုံ – MDDI Singapore / YouTube
