မြန်မာနိုင်ငံတွင်သာမက ထိုင်း၊ လာအို ၊ ကဗ္ဘောဒီးယား စသ ည့် အိမ်နီးချင်းနိုင်ငံများတွင်ပါ ပရိသတ်အခိုင်အမာရရှိထားသည့် လူငယ်သရုပ်ဆောင် ပိုင်တံခွန်သည် ဖေဖေါ်ဝါရီ (၃) ရ က်တွင် ကျင်းပမည့် မြန်မာ့ရုပ်ရှင် ထူးချွန်ဆုပေးပွဲတွင် ၂၀ ၂၃ ခုနှစ်အတွက် အကောင်းဆုံး အမျိုးသား ဇာတ်ဆောင်ဆု ချီးမြှင့်ခြင်း ခံရနိုင်ကြောင်း ခန့်မှန်းမှုများ ရှိနေသည်။
သရုပ်ဆောင် ပိုင်တံခွန်သည် ၂၀၂၃ ခုနှစ်အတွင်း ရုံတင်ပြသခဲ့သည့် ခတ္ထိယ ရုပ်ရှင်ထုတ်လုပ်ရေးမှ ရိုက်ကူးထုတ်လုပ်သည့် ” ကံကောင်း ” ရုပ်ရှင်ဇာတ်ကားတွင် ဘုရားသားတော် သံဃာတစ်ပါးအဖြစ် ပါဝင်ကာ ကျရာဇာတ်ရုပ်ကို ပီပြင်စွာသရုပ်ဆောင်ခဲ့သည့်အပြင် ” ကံကောင်း” လေးနှင့် သူ၏ ကြားမှ သံယောဇဉ်နှင့် ချစ်ခြင်းမေတ္တာကို ပီပြင်စွာသရုပ် ဆောင်ခဲ့မှုကြောင့် အကယ်ဒမီနှင့် ထိုက်တန်ကြောင်း ရုပ်ရှင်ချစ် ပရိသတ်များက အကဲဖြတ်နေကြခြင်း ဖြစ်သည်။
” ကံကောင်း ” ရုပ်ရှင်ဇာတ်ကားကြီးကို ခတ္ထိယ ရုပ်ရှင်ထုတ် လုပ်ရေးက ရိုက်ကူးထုတ်လုပ်ကာ ဒါရိုက်တာဝင်းလွင်ထက် ၊ ဇာတ်ညွှန်း မိုးနီလွင်တို့က ဖန်တီးပုံဖော် ခဲ့ခြင်းဖြစ်သည်။
” ကံကောင်း ” ရုပ်ရှင်ဇာတ်ကားကြီးတွင် သရုပ်ဆောင် ပိုင်တံခွန် ၊ အကယ်ဒမီ သူထူးစံ ၊ အကယ်ဒမီ ခင်ဇာခြည်ကျော် ၊ နေထွဋ်တို့က အဓိက ပါဝင်သရုပ်ဆောင်ထားကြသည်။
အဆိုပါ ဇာတ်ကားထဲတွင် ၂၀၂၃ ခုနှစ်အတွက် အထူးခြားဆုံးအနေဖြင့် အထူးသရုပ်ဆောင် ဖြစ်သည့် ခွေးကလေး “ကံကောင်း” လည်း ပါဝင်သရုပ်ဆောင်ထားသည်ကို ရုပ်ရှင်ချစ် ပရိသတ်များလည်း တွေ့မြင်ကြပြီးပင် ဖြစ်မည်။
” ကံကောင်း ” ရုပ်ရှင်ဇာတ်ကားကြီးသည် လူးသားနှင့် တိရိစ္ဆာန်လေးများကြားမှ ချစ်ခြင်းမေတ္တာနှင့် သံယောဇဉ်တို့ကို ပီပြင်စွာ ဖန်တီးပုံဖော်ထားနိုင်ခဲ့သည့်အတွက် ၂၀၂၃ ခုနှစ်အတွက် အအောင်မြင်ဆုံးဇာတ်ကားဟုပင် ပြော၍ရသည်အထိ ပရိသတ်တခဲအားပေးမှုကို ရရှိအောင်မြင်ခဲ့သည့် ဇာ တ်ကား တစ်ကားလည်း ဖြစ်သည်။
ယင်းဇာတ်ကားသည် မြန်မာနိုင်ငံတွင်နှစ်ပတ်ဆက်တိုက် ရုံ တင် ပြသခွင့် ရရှိခဲ့သလို ထိုင်းနိုင်ငံရှိ ရုပ်ရှင်ရုံများတွင်လည်း ရုံတင်ပြသခွင့် ရရှိခဲ့သည့် ရုပ်ရှင်ဇာတ်ကားတစ်ကားလည်းဖြစ်သည်။