ရှမ်းပြည်နယ်(အရှေ့ပိုင်း)သို့ရောက်ရှိနေသည့် နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်သည် မေ ၂၅ ရက်နံနက်ပိုင်းက လွိုင်မွေဒေသဖွံ့ဖြိုးတိုးတက်ရေးဆောင်ရွက်ထားမှုများကို လိုက်လံကြည့်ရှုခဲ့သည်။
နစက ဥက္ကဋ္ဌသည် ဆောက်လုပ်ရေးဝန်ကြီးဌာန၊ လမ်းဦးစီးဌာန၊ ရှမ်းပြည်နယ်(အရှေ့ပိုင်း)မှ တာဝန်ယူဆောင်ရွက်နေသည့် ကျိုင်းတုံ-လွိုင်မွေလမ်း လမ်းအဆင့်မြှင့်တင်ခြင်းစီမံကိန်းကိုကြည့်ရှုစစ် ဆေးပြီး ကျိုင်းတုံ-လွိုင်မွေ လမ်းအဆင့်မြှင့်တင်ရာ၌ လမ်းကြောင်းရေရှည်တည်တံ့ကောင်းမွန်မှုရှိစေရေးစနစ်တကျတွက်ချက်ဆောင်ရွက်ရန် မှာ ကြားသည်။
ထို့ပြင် နစက ဥက္ကဋ္ဌသည် လွိုင်မွေကန်သို့သွား ရောက်ပြီး လွိုင်မွေဒေသရေရရှိရေးအတွက် ဆိုလာရေတင်စနစ်ဖြင့်ဆောင်ရွက်ထားရှိမှုနှင့် စိမ့်စမ်းရေ သွယ်တန်းခြင်းလုပ်ငန်းဆောင်ရွက်နေမှုများကို ကြည့်ရှုစစ်ဆေးပြီး ကျိုင်းတုံဒေသနှင့် လွိုင်မွေဒေသတို့တွင် ရေလုံလောက်စွာရရှိရေးဆောင်ရွက်ရန်၊ ရေဝေရေလဲဧရိယာများအတွင်းရှိ သစ်တောသစ်ပင်များအား ခုတ်ထွင်ခြင်းမပြုဘဲ စနစ်တကျထိန်းသိမ်းဆောင်ရွက်ရန်၊ တောင်ယာခုတ်ထွင်ခြင်းသည် သစ်တောသစ်ပင်များကိုဆုံးရှုံးစေနိုင်၍ ကုန်းမြင့်လယ်ယာစနစ်ကိုဖော်ဆောင်ပေးရန်၊ စိမ့်စမ်းရေသွယ်တန်းခြင်းလုပ်ငန်းဆောင်ရွက်ရန်အတွက် သက်ဆိုင်ရာပညာရှင်များနှင့် ဌာနဆိုင်ရာတာဝန်ရှိသူများမှ ကွင်းဆင်းစစ်ဆေးဆောင်ရွက်ရန်တို့ကို မှာကြားခဲ့သည်။
ထို့အတူ လွိုင်မွေမြို့၊ (၁၀၇)နှစ်သက်တမ်းရှိ တိုက်နယ်ပြည်သူ့ဆေးရုံသို့ နစက ဥက္ကဋ္ဌမှသွားရောက်၍ ဆေးရုံအတွင်းလှည့်လည်ကြည့်ရှုကာ ဆေးရုံအားအဆင့်မြှင့်တင်ဆောင်ရွက်ပေးသွားမည့်အခြေအနေများကို မှာကြားခဲ့သည်။
ထို့နောက် နစက ဥက္ကဋ္ဌသည် သမိုင်းဝင် နှစ်(၁၀၀)စံအိမ်အတွင်းခင်းကျင်းပြသထားသည့် လွိုင်မွေမြို့သမိုင်းနှင့်အထင်ကရနေရာများမှတ်တမ်းဓာတ်ပုံများ၊ စံအိမ်ကြီးရေရှည်တည်တံ့ခိုင်မြဲရေးအတွက် ပြုပြင်ထိန်းသိမ်းထားရှိမှုတို့ကို ကြည့်ရှုစစ်ဆေးပြီး စံအိမ်အတွင်းရှိ အသုံးအဆောင်ပစ္စည်းများအား ပြုပြင်ထိန်းသိမ်းရာတွင် မူလလက်ရာမပြတ် ပြန် လည်ပြင်ဆင်ရန်၊ လိုအပ်သည့် အိမ်အသုံးအဆောင်ပရိဘောဂများကို မူလလက်ရာများအတိုင်း ပြုလုပ်၍ ထည့်သွင်းခင်းကျင်းထားရန်တို့ကို မှာကြားခဲ့သည်။
ထို့အတူ နစက ဥက္ကဋ္ဌနှင့် ဇနီးတို့သည် လွိုင်မွေတောင်စခန်းမြို့ရှိ စတုရဋ္ဌသုမင်္ဂလစေတီတော်၊ စေတီတော်ဓမ္မာရုံတော်အတွင်းရှိ ဗုဒ္ဓရုပ်ပွားတော်မြတ်တို့အားဖူးမြှော်ကြည်ညိုပြီး တောင်တန်းသာသနာပြုဆရာတော် ဘဒ္ဒန္တ ဝေပုလ္လ အားဖူးမြော်၍ နဝကမ္မအလှူငွေများနှင့် လှူဖွယ်ပစ္စည်းများကိုဆက်ကပ်လှူဒါန်းပြီး စေတီတော်ရေရှည်တည်တံ့ခိုင်မြဲရေးအတွက် ထိန်းသိမ်းဆောင်ရွက်ရန်လိုအပ်သည်များအား တာဝန်ရှိသူများကို မှာကြားခဲ့သည်။