ဟန်ကျိုး ရှန်းဟို နည်းပညာကုမ္မဏီသည်အဆင့်မြင့်နည်းပညာများသုံး၍ စက်ပစ္စည်းစစ်ဆေးခြင်း၊ ချို့ယွင်းချက်ရှာဖွေခြင်းများဝန်ဆောင်ပေးသည့် လုပ်ငန်းဖြစ်သည်။
ဝန်ဆောင်မှုပေးသည့်အခါ အာရုံခံကိရိယာများ၊ စက်ရုပ်များ၊ ဉာဏ်ရည်တုနှင့် အချက်အလက်ခွဲခြမ်းစိတ်ဖြာမှုများကိုသုံး၍ လူသား၏အမိန့်နာခံလုပ်ဆောင်ပေး သည်။
နည်းပညာနှင့်စက်ပစ္စည်းများ ပေါင်းစပ်ပြီး ပြီးပြည့်စုံသော ရလဒ်များ ထုတ်ဖော်ပေးနေသည့် ခေတ်ဖြစ်လာပြီဖြစ်၍ လူသားအရင်းအမြစ်အစား နည်းပညာနှင့် စက်ရုပ်တို့ ကို အစားထိုး၍ ရသလောက် အစားထိုးလာကြသည်။
ကုမ္ပဏီသည် ဉာဏ်ရည်ထက်မြက်သော စက်ရုပ်များကို ဆက်တိုက်တီထွင်ခြင်း၊
စမတ်ပါဝါဖြင့် စောင့်ကြည့်ခြင်း၊ ဉာဏပစ္စည်းမူပိုင်ခွင့်များတင်ခြင်း၊မြေယာကိစ္စများ၊ ရထားပို့ဆောင်ရေး၊ ရေနံဓာတုဗေဒ၊ ရေအောက်လုပ်ငန်းများ၊သဘာဝပတ်ဝန်းကျင် ကာကွယ်ရေး၊ ဆိပ်ကမ်းများနှင့် စွမ်းအင်လုပ်ငန်းစသည့် နယ်ပယ်များစွာတွင် ဖြေရှင်းနိုင်မှုစွမ်းရည်ကိုမြှင့်တင်ပေးသည်။
ဥပမာများအနေဖြင့် ဥမင်လှိုဏ်ခေါင်းအတွင်းစစ်ဆေးခြင်း၊ သတ္တုတူးရာတွင် လူမဆင်းနိုင်သည့်နေရာများကို အာရုံခံဝင်ရောက်လုပ်ကိုင်ပေးခြင်း၊ ညဖက် ရထားများနားစဥ် ယာဥ်စစ်ဆေးမှုများကိုစက်ရုပ်ကလုပ်ပေးခြင်း၊ လုံခြုံရေးယူခြင်းမျိုးတွက် လူနှင့်အတူ ပူးတွဲ လုပ်ဆောင်ခြင်း စသဖြင့် လူနှင့်စက် ပူးတွဲ လုပ်ဆောင်လာကြသည့် အနေအထားဖြစ်သည်။
အဆိုပါ ကုမ္ပဏီမှ အာရုံခံကိရိယာများ(sensors)၊ စက် ရုပ်များ၊ ဉာဏ်ရည်တုနည်းပညာနှင့် Big Data ခွဲခြမ်း စိတ်ဖြာမှုများကိုအသုံးပြု၍ စက်မှုလုပ်ငန်းသုံးစက်ကိ ရိယာများ ဘေးကင်းလုံခြုံစွာလည်ပတ်နိုင်ရန်နှင့် အသိ ဉာဏ်တိုးတက်သည့် ပြုပြင်ထိန်းသိမ်းမှုများအတွက် ပြည့်စုံသောဖြေရှင်းနည်းများကိုလည်း ပံ့ပိုးပေးလျက်ရှိသည်။
ယင်း ကုမ္ပဏီ၌ လျှပ်စစ်ဓာတ်အားကွန်ရက်၊ မီးရထား လမ်းပို့ဆောင်ရေး၊ ရေနံဓာတုဗေဒ၊ ရေအောက်စစ်ဆင် ရေး၊ သဘာဝပတ်ဝန်းကျင်ထိန်းသိမ်းရေး၊ ဆိပ်ကမ်းများနှင့် စွမ်းအင်သစ်စသည့် နယ်ပယ်ပေါင်းများစွာအ တွက်စနစ်တကျဖြေရှင်းနိုင်သော စွမ်းဆောင်ရည်များကိုတည်ဆောက်ထားပြီး ကိုယ်ပိုင်မူပိုင်ခွင့်များဖြင့် အ သိဉာဏ်တိုးတက်သည့် စက်ရုပ်များ၊ သတ္တုတွင်းလုပ် ငန်းများတွင်အသုံးပြုသည့် စက်ရုပ်များ၊ အဝေးထိန်းစနစ်အသုံးပြုထားသောစက်ရုပ်များ၊ လျှပ်စစ်ဓာတ်ကြိုးများအားပြန်လည်ပြုပြင်ရာ၌အသုံးပြုနိုင်သည့်စက်ရုပ်များ၊ ခြင်ဆေးဖျန်းသည့်စက်ရုပ်များ၊ အကြီးပြင်ဆင်မှုများပြုလုပ်ရာ၌ လူသားများဘေးအန္တရာယ်မဖြစ်စေရန် အသုံးပြုသည့်စက်ရုပ်များ၊ ယောဂကျင့်ခြင်းကို သင်ကြားပေးသည့်စက်ရုပ်များ၊ စမတ်ပါဝါစောင့်ကြည့်ထိန်းချုပ်ရေးကိရိယာများကိုလည်း တီ ထွင်ထုတ်လုပ်ထားသည်။