အစားထိုးရုံးတက်ရက်ဖြစ်သည့် လာမည့် စနေ (ဇန်နဝါရီ ၁၀ ရက်) ၌လည်း ဘဏ်များဖွင့်ထားမည်ဖြစ်ကြောင်း
မြန်မာနိုင်ငံတော် ဗဟိုဘဏ်က အသိပေးကြေညာထားသည်။
နိုင်ငံတော်အစိုးရအနေဖြင့် အများပြည်သူနှင့် နိုင်ငံ့ဝန်ထမ်းများခရီးသွားလာမှု လွယ်ကူစေရန်၊ ရက်ရှည်အနားယူ အပန်းဖြေနိုင်စေရန် ရည်ရွယ်ချက်ဖြင့် ရုံးပိတ်ရက်ရှည်များကို ပြုလုပ်ပေးခဲ့ပြီး ယင်းပိတ်ရက်အတွက် အနီးဆုံး စနေနေ့ တရက်ကို အစားထိုး ရုံးတက်ရက်အဖြစ် သတ်မှတ်ပေးခဲ့သည်။
ထို့ကြောင့် ဒီဇင်ဘာ ၂၆ ရက်နေ့ကို ဒီဇင်ဘာလ ၂၅ ရက် (ခရစ္စမတ်နေ့)၊ ၂၇ ရက် (စနေနေ့) နှင့် ၂၈ ရက် (တနင်္ဂနွေနေ့) တို့ကြား ရောက်ရှိနေသောကြောင့် တဆက်တည်း ပိတ်ပေးခဲ့ခြင်း ဖြစ်သည်။
သို့သော် ထိုပိတ်ရက်အတွက် အစားထိုးရုံးတက်ရက်အဖြစ် ဇန်နဝါရီ ၁၀ ရက် (စနေနေ့) အဖြစ် ပြင်ဆင်သတ်မှတ်
ထားပြီး ယင်းနေ့၌ အစိုးရ၊ ပုဂ္ဂလိကဘဏ်များ အားလုံးကိုလည်း ဖွင့်လှစ်ပေးထားမည်ဟု သိရသည်။