ရန်ကုန်၊ စက်တင်ဘာ ၆
ရန်ကုန်တိရစ္ဆာန်ဥယျာဉ်တွင် ၂၀၂၆ ခုနှစ်၊ စက်တင်ဘာလ (၅) ရက် နံနက် (၆:၃၀) နာရီအချိန်၌ ချစ်စရာကောင်းသော မြည်းပု (Donkey) သားပေါက်လေးတစ်ကောင်ကို အောင်မြင်စွာ မွေးဖွားနိုင်ခဲ့ကြောင်း သိရသည်။
အဆိုပါ မြည်းပုလေး မွေးဖွားနိုင်ရေးအတွက် တိရစ္ဆာန်ထိန်းသိမ်းစောင့်ရှောက်သူများ၏ ဂရုတစိုက် ပြုစုမှု၊ စနစ်တကျ အစာကျွေးမွေးမှု၊ တိရစ္ဆာန်ဆေးကုဆရာဝန်များ၏ ကျန်းမာရေးစောင့်ရှောက်မှုနှင့် စနစ်တကျ မျိုးပွားစီမံခန့်ခွဲမှုတို့ဖြင့် အကောင်အထည်ဖော် ဆောင်ရွက်ခဲ့ခြင်းဖြစ်သည်။
လက်ရှိတွင် မွေးကင်းစ မြည်းပုလေးအား မိခင်နှင့်အတူ ကျန်းမာသန်စွမ်းစွာ ကြီးပြင်းလာစေရန်အတွက် သင့်တော်သော အာဟာရ၊ နေထိုင်ရာ ပတ်ဝန်းကျင်နှင့် လိုအပ်သည့် ကျန်းမာရေး စောင့်ရှောက်မှုများကို စနစ်တကျ မပျက်မကွက် စီစဉ်ဆောင်ရွက်ပေးလျက်ရှိသည်။
ယခုကဲ့သို့ သားပေါက်လေး မွေးဖွားနိုင်ခြင်းသည် တိရစ္ဆာန်ချစ်သူများအတွက် ဝမ်းမြောက်စရာ သတင်းတစ်ခုဖြစ်ရုံမျှမကဘဲ တိရစ္ဆာန်ဥယျာဉ်၏ စနစ်တကျ မျိုးပွားထိန်းသိမ်းရေးနှင့် စောင့်ရှောက်ရေး လုပ်ငန်းစဉ်များအတွက်လည်း အောင်မြင်သည့် ရလဒ်ကောင်းတစ်ခု ဖြစ်သည်။