နိုင်ငံတော်အစိုးရ၏ ရက်ပေါင်း (၁၀၀) ကာလအတွင်း “လမင်းစီမံချက်” ဖြင့် နိုင်ငံသားစိစစ်ရေးကတ်ပြားထုတ်ပေးနေမှုကို အရှိန်အဟုန်မြှင့်ဆောင်ရွက်နေသည်။
ထိုသို့ဆောင်ရွက်နေရာ ရန်ကုန်တိုင်း၊ သာကေတမြို့ရှိအမှတ် (၂) အခြေခံပညာအထက်တန်းကျောင်း၌ ကျောင်းသား/သူများအား နိုင်ငံသားစိစစ်ရေးကတ်ပြားနှင့် e-ID စနစ်ဆိုင်ရာ Unique ID (UID) ကတ်များ One Stop Service စနစ်ဖြင့် နေ့ချင်းပြီး ကွင်းဆင်းဆောင်ရွက်ပေးနေသည်။
ဆောင်ရွက်ပေးနေမှုကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင် နှင့်အတူ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးအောင်နိုင်သူ၊ ရန်ကုန်တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းအဆင့် ဌာနဆိုင်ရာအကြီးအကဲများနှင့် တာဝန်ရှိသူများ သွားရောက်ကြည့်ရှုအားပေးခဲ့ကြသသည်။
ဆောင်ရွက်ပေးမှုတွင် အသက် (၁၀) နှစ်ပြည့်ပြီးသူနှင့် အသက် (၁၈) နှစ်ပြည့်ပြီးသူ ကျောင်းသား/သူများကို နိုင်ငံသားစိစစ်ရေးကတ်ပြားများ ထုတ်ပေးခြင်းကို ဆောင်ရွက်ပြီး e-ID စနစ် အောင်မြင်ရေးအတွက် ဇီဝဆိုင်ရာအချက်အလက် (Biometric/Biographic Data) များ ကောက်ယူကာ ဂဏန်း (၁၀) လုံးပါ Unique ID (UID) နံပါတ်/ကတ်များကို နေ့ချင်းပြီး One Stop Service စနစ်ဖြင့် ပြုလုပ်ဆောင်ရွက်ပေးလျက်ရှိသည်ဟု သိရသည်။