စိုက်ပျိုးရေးတောင်သူများ အဓိကလိုအပ်သည့် ယူရီးယားနှင့် ၁၅ ပတ်လည်ကွန်ပေါင်းဓာတ်မြေဩဇာတို့ကို ဈေးကွက်ပေါက်ဈေးထက်(၂၅)ရာခိုင်နှုန်း အောက်ဖြင့်ဖြန့်ဖြူးပေးမည်ဟု စိုက်ပျိုးရေးနှင့် မွေးမြူရေးဖွံ့ဖြိုးရေးကော်မရှင် ဥက္ကဋ္ဌ၊ နိုင်ငံတော်ဝန်ကြီးချုပ်ဦးညိုစောမှ ယနေ့ သြဂုတ် ၂၅ ရက်နံ နက်ပိုင်းကကျင်းပသည့် စိုက်ပျိုးရေးနှင့် မွေးမြူရေးဖွံ့ဖြိုးရေးကော်မရှင်၏ (၄/၂၀၂၅)အစည်းအဝေးတွင် ပြောကြားခဲ့ခြင်းဖြစ်သည်။
ယခုနှစ် ဩဂုတ်လမှစ၍ နိုင်ငံတော်၏ စီးပွားရေးအထောက်အကူပြုသီးနှံများကို စိုက်ပျိုးထုတ်လုပ်လျက်ရှိသည့် တောင်သူများအဓိကလိုအပ်သော ယူ ရီးယားဓာတ်မြေဩဇာနှင့် ၁၅ ပတ်လည်ကွန်ပေါင်းဓာတ်မြေဩဇာတို့ကို စိုက်ပျိုးရေးနှင့် မွေးမြူရေး ဖွံ့ဖြိုးရေးကောင်မရှင်နှင့် ယူရီယားဓာတ်မြေဩဇာတင်သွင်းဖြန့်ဖြူးရေးဦးဆောင်ကော်မတီတို့မှ ဈေးကွက်ပေါက်ဈေးထက် ၂၅ ရာခိုင်နှုန်းအောက်ဈေးနှုန်းဖြင့် တောင်သူများလက်ဝယ်အရောက်ဖြန့်ဖြူးပေးသွားမည်ဟု ပြောသည်။
မိုးသီးနှံအထွက်နှုန်းတိုးရန်လိုအပ်သည့် နေပြည်တော်အပါအဝင် တိုင်းဒေသကြီးတို့၌ အဓိကဖြန့် ဖြူးပေးထားသည့်အပြင် ကျန်တိုင်းနှင့် ပြည်နယ်များအတွက်ပါလျာထားဆောင်ရွက်လျက်ရှိသည်ဟု ပြောသည်။
ထို့ပြင် စပါးစိုက်ပျိုးသည့်တောင်သူများအား Drum Seeder များအပြည့်အဝအသုံးပြုပြီး အစေ့ချဆောင်ရွက်ခြင်းဖြင့် စပါးအထွက်နှုန်းတိုးတက်ကောင်းမွန်စေရန် နိုင်ငံတော်မှမတည်ငွေများကို အ တိုးမဲ့စိုက်ထုတ်ပေးထားကာ Drum Seeder များကို နေပြည်တော်နှင့် တိုင်းဒေသကြီး(၆)ခုအတွက် ရှေ့ပြေးဦးစားပေးဆောင်ရွက်ပေးထားပြီး ကျန်ရှိသည့်ဒေသများတွင်လည်း ပံ့ပိုးကူညီပေးသွားမည်ဟု နိုင်ငံတော်ဝန်ကြီးချုပ်ဦးညိုစောက ပြောကြားခဲ့သည်။