ကရင်ပြည်နယ်၊ ထိုင်း-မြန်မာနယ်စပ် မြဝတီမြို့ရှိ ဂေါက်ကွင်းဝင်းအတွင်းရေဆင်းကူးရာမှ ရေနစ်ပျောက်ဆုံးသွားခဲ့သည့် လူငယ်တစ်ဦး၏ ရုပ်အလေ-ာင်းကို ယနေ့ ဇွန် (၁၂)ရက် နေ့လယ်ပိုင်းတွင် ပြန်လည်ရှာဖွေတွေ့ရှိခဲ့ကြောင်း သိရသည်။
အဆိုပါ ရေနစ်မြုပ်မှုဖြစ်စဉ်မှာ ဇွန်လ (၁၁) ရက်နေ့ကတည်းက စတင်ဖြစ်ပွားခဲ့ခြင်းဖြစ်ပြီး မြဝတီမြို့ ဂေါက်ကွင်းဝင်းအတွင်းရှိ ရေကန်ထဲသို့ လူငယ်တစ်ဦး ရေဆင်းကူးရာမှ ရေနစ်မြုပ်ပျေ-ာက်ဆုံးသွားခဲ့ခြင်းဖြစ်သည်။
ဖြစ်စဉ်ဖြစ်ပွားပြီးနောက် မြန်မာနိုင်ငံလူမှုကယ်ဆယ်ရေးအဖွဲ့ချုပ်၊ မြန်မာနိုင်ငံမီးသတ်တပ်ဖွဲ့ဝင်များနှင့် ဒေသခံပရဟိတအသင်းပေါင်းစုံ ပူးပေါင်းကာ ရှာဖွေရေးလုပ်ငန်းများကို အင်တိုက်အားတိုက် ဆက်တိုက်လုပ်ဆောင်ခဲ့ကြသည်။
ထိုသို့ ပူးပေါင်းရှာဖွေရေးအဖွဲ့များဖြင့် ရှာဖွေမှုများ ဆောင်ရွက်ခဲ့ရာ ယနေ့ ဇွန် (၁၂) ရက် နေ့လယ် (၁၁) နာရီ (၂၀) မိနစ်ခန့်တွင် အဆိုပါလူငယ်၏ ရုပ်အလေ-ာင်းကို ရေကန်အတွင်းမှ ပြန်လည်တွေ့ရှိခဲ့ခြင်း ဖြစ်သည်။
“ေ-သဆုံးတဲ့ကောင်လေးက အမှတ် ၄ ရပ်ကွက်က ပါပဲ။ ရေနစ်တဲ့ ရေကန်ကလည်း အမှတ် ၄ ရပ်ကွက်ထဲမှာပဲ ရှိပါတယ်” ဟု ဒေသခံပရဟိတအဖွဲ့ တာဝန်ခံတစ်ဦးက ပြောသည်။
လက်ရှိတွင် ကယ်ဆယ်ရေးအဖွဲ့များက ေ-သဆုံးသူလူငယ်၏ ရုပ်အလေ-ာင်းကို ရေကန်အတွင်းမှ ဆယ်ယူကာ မြဝတီပြည်သူ့ဆေးရုံကြီးသို့ ပို့ဆောင်ကူညီပေးခဲ့ကြောင်း သိရသည်။
ဇွန်လသည် မိုးရာသီအစဖြစ်သဖြင့် မိုး သည်းထန်စွာရွာသွန်းမှုနှင့်အတူ မြေအောက်ရေစီးကြောင်း ပြောင်းလဲခြင်း၊ ရေကန်များတွင် ရေမျက်နှာပြင် ရုတ်တရက်မြင့်တက်လာခြင်းနှင့် ကန်ဘောင်များ ချောကျိခြင်းတို့ ဖြစ်ပေါ်တတ်သဖြင့် ရေဆင်းကူးပါက အထူးသတိထားကြရန် လူမှုကယ်ဆယ်ရေးအဖွဲ့များက တိုက် တွန်းနှိုးဆော်ထားသည်။
ဓာတ်ပုံ-Hla Tun