မြန်မာအနုပညာနှင့် ယဉ်ကျေးမှုဖွံ့ဖြိုးတိုးတက်ရေးအသင်း (MACA)နှင့် ယူနန်ပြည်နယ် ပရဟိတအဖွဲ့ဖြစ်သော Yunnan Overseas Chinese Charity Foundation(YOCCF)တို့ ပူးပေါင်းဆောင်ရွက်ရေး နားလည်မှုစာချွန်လွှာ လက်မှတ်ရေးထိုးခြင်းကို အောက်တိုဘာ ၁၄ ရက်နေ့က ရန်ကုန်မြို့တွင်ကျင်းပခဲ့ကြောင်း သိရသည်။
နှစ်နိုင်ငံယဉ်ကျေးမှုများ ပိုမိုဖလှယ်နိုင်စေရေးအတွက် ယဉ်ကျေးမှုဖွံ့ဖြိုးတိုးတက်ရေးအသင်းသည် နှစ်နိုင်ငံယဉ်ကျေးမှုများ ပိုမိုဖလှယ်နိုင်စေရေးအတွက် မြန်မာနိုင်ငံရှိယဉ်ကျေးမှုပွဲတော်များနှင့် ယူနန်ပြည်နယ်ရှိ ယဉ်ကျေးမှုပွဲတော်များတွင် အပြန်အလှန်ဖိတ်ကြား၍ အတူတကွပါဝင်ဆင်နွှဲနိုင်စေရန် ကြိုးပမ်းဆောင်ရွက်ခြင်း၊ မြန်မာ့ရိုးရာယဉ်ကျေးမှုနှင့်အနုပညာနှင့် သက်ဆိုင်သော ကဏ္ဍအသီးသီးမှ ပညာရှင်များနှင့် ယူနန်ပြည်နယ်ရှိ ယဉ်ကျေးမှုနှင့် အနုပညာကဏ္ဍအသီးသီးမှ ပညာရှင်များအားတွေ့ဆုံစေ၍ အပြန်အလှန်ယဉ်ကျေးမှုများ ဖလှယ်နိုင်စေရန် ကြိုးပမ်းဆောင်ရွက်ခြင်းများ၌ ပူးပေါင်းဆောင်ရွက်နိုင်မည်ဖြစ်ကြောင်း သိရသည်။
ထိုပြင် မြန်မာ့ရိုးရာယဉ်ကျေးမှု အနုပညာနှင့် သက်ဆိုင်သော ကဏ္ဍအသီးသီးမှ ပညာရှင်များနှင့် ယူနန်ပြည်နယ်ရှိ ယဉ်ကျေးမှုအနုပညာကဏ္ဍအသီးသီးမှ ပညာရှင်များကို တွေ့ဆုံစေ၍အပြန်အလှန် ယဉ်ကျေးမှုများဖလှယ်နိုင်စေရန် ကြိုးပမ်းဆောင်ရွက်ခြင်းစသည့် ရည်ရွယ်ချက်များဖြင့် ပူးပေါင်းဆောင်ရွက်ရန် လက်မှတ်ရေးထိုးခြင်းဖြစ်ကြောင်း သိရသည်။
မြန်မာအနုပညာနှင့် ယဉ်ကျေးမှုဖွံ့ဖြိုးတိုးတက်ရေးအသင်းဥက္ကဋ္ဌနှင့် Yunnan Overseas Chinese Charity Foundation(YOCCF) ဥက္ကဋ္ဌတို့ နားလည်မှုစာချွန်လွှာကို လက်မှတ်ရေးထိုးခဲ့ခြင်းလည်း ဖြစ်သည်။
အဆိုပါ Yunnan Overseas Chinese Charity Foundation သည် အောက်တိုဘာ ၉ ရက်မှ ၁၄ ရက်အထိ ရန်ကုန်မြို့ သင်္ဃန်းကျွန်း စံပြဆေးရုံတွင် နှုတ်ခမ်းကွဲ အာခေါင်ကွဲကလေးငယ်များကို အခမဲ့ခွဲစိတ်ကုသပေးခဲ့ကြောင်းလည်း သိရသည်။