တရုတ်နိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသည့် မြန်မာနိုင်ငံတော်သမ္မတ ဦးမင်းအောင်လှိုင်သည် ဇွန် ၁၇ ရက် နံနက်ပိုင်းက ပေကျင်းမြို့ရှိ China Railway Construction Corporation Limited (CRCC) သို့ သွားရောက်ကာ တရုတ်နိုင်ငံ၏ ခေတ်မီမီးရထားတည်ဆောက်ရေးနှင့် အခြေခံအဆောက်အအုံ ဖွံ့ဖြိုးတိုးတက်မှု အခြေအနေများကို လေ့လာခဲ့သည်။
လေ့လာရေးခရီးစဉ်အတွင်း CRCC တာဝန်ရှိသူများက ကုမ္ပဏီ၏ လုပ်ငန်းဆောင်ရွက်နေမှုများ၊ မီးရထားလမ်းတည်ဆောက်ရေး နည်းပညာများနှင့် ခေတ်မီသယ်ယူပို့ဆောင်ရေးစနစ်များကို ရှင်းလင်းတင်ပြခဲ့ကြသည်။
ထို့နောက် နှစ်ဖက်တာဝန်ရှိသူများသည် မီးရထားလမ်းဖောက်လုပ်ရေးနှင့် သယ်ယူပို့ဆောင်ရေး အခြေခံအဆောက်အအုံ ဖွံ့ဖြိုးတိုးတက်ရေးဆိုင်ရာ ကိစ္စရပ်များကို အမြင်ချင်းဖလှယ်ဆွေးနွေးခဲ့ကြပြီး မြန်မာ-တရုတ် နှစ်နိုင်ငံအကြား မီးရထားကဏ္ဍနှင့် အခြေခံအဆောက်အအုံကဏ္ဍ ပူးပေါင်းဆောင်ရွက်မှု အခွင့်အလမ်းများကိုလည်း ဆွေးနွေးခဲ့ကြသည်။
နိုင်ငံတော်သမ္မတက ရှင်းလင်းတင်ပြချက်များအပေါ် သိရှိလိုသည်များကို ပြန်လည်မေးမြန်းဆွေးနွေးခဲ့ပြီး မီးရထားကဏ္ဍ ဖွံ့ဖြိုးတိုးတက်ရေးနှင့် ခေတ်မီသယ်ယူပို့ဆောင်ရေးစနစ်များ တိုးတက်ရေးဆိုင်ရာ အတွေ့အကြုံများကို လေ့လာခဲ့ကြောင်း သိရသည်။