မြန်မာနိုင်ငံ ယာယီသမ္မတ ဗိုလ်ချုပ်မှူးကြီး မင်းအောင်လှိုင်၏ ဖိတ်ကြား ချက်အရ ဘယ်လာရုစ်သမ္မတနိုင်ငံသမ္မတ မစ္စတာ အလက်ဇန္ဒားလူကာရှန်ကိုသည် ပြည်ထောင်စုသမ္မတမြန်မာနိုင်ငံသို မကြာမီကာလအတွင်း တရားဝင်ချစ်ကြည်ရေးခရီး လာရောက်မည်ဖြစ်ကြောင်း သိရသည်။
ပြီးခဲ့သည့် မတ်လက မြန်မာနိုင်ငံတော် ယာယီသမ္မတသည် ဘယ်လာရုစ်နိုင်ငံသမ္မတ မစ္စတာ လူကာရှန်ကို ၏ ဖိတ်ကြားချက်အရ ဘယ်လာရုစ်နိုင်ငံသို နိုင်ငံတော်အဆင့် (Offical State Visit) ချစ်ကြည်ရေးခရီးစဉ်အား နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် အနေဖြင့် သွားရောက်ခဲ့ပြီး မတ်လ(၇)ရက်နေ့က ဘယ်လာရုစ်နိုင်ငံသမ္မတ မစ္စတာ လူကာရှန်ကိုနှင့် လွတ်လပ်ရေးနန်းတော်၌တွေ့ဆုံ၍ ဆွေးနွေးမှုများပြုလုပ်ခဲ့သည်။
အဆိုပါ တွေ့ဆုံချိန်မှာတော့
ဘယ်လာရုစ်နိုင်ငံနှင့် ကဏ္ဍပေါင်းစုံ၌ ပူးပေါင်းဆောင်ရွက်မှုများတိုးမြှင့်နိုင်ရေးဆောင်ရွက်ခဲ့၍ မြန်မာနိုင်ငံနှင့် ဘယ်လာရုစ်နိုင်ငံကြားတွင် နှစ်နိုင်ငံအတွက် အကျိုး ဖြစ်ထွန်းမှုများရှိနိုင်မည်ဖြစ်ကာ မြန်မာ-ဘယ်လာရုစ် စီးပွားရေးဖိုရမ်ကိုလည်း အောင်မြင်စွာကျင်းပနိုင်ခဲ့ပြီး နှစ်နိုင်ငံကြားစီးပွားရေးဆိုင်ရာ သဘောတူညီချက်များကို လက်မှတ်ရေးထိုးနိုင်ခဲ့ကြောင်း သိရသည်။
နှစ်နိုင်ငံကြား သံတမန်ဆက်ဆံရေးဆိုင်ရာများ၊ စီးပွားရေး၊ စိုက်ပျိုးရေး၊ စက်မှု၊ ပညာရေး၊ သိပ္ပံနှင့်နည်းပညာ၊ ယဉ်ကျေးမှု၊ အားကစားကဏ္ဍပေါင်းစုံ၌ ပူး ပေါင်းဆောင်ရွက်မှုများတိုးမြှင့်ဆောင်ရွက်ရေး၊ ကာကွယ်ရေးဆိုင်ရာများတွင် ပူးပေါင်းဆောင်ရွက်မှုများမြှင့်တင်ရေးတိုကို ဆွေးနွေးခဲ့ခြင်းလည်း ဖြစ်သည်။
ထိုအတူ နှစ်နိုင်ငံကြား ကဏ္ဍပေါင်းစုံပူးပေါင်း ဆောင်ရွက်ခြင်းဖြင့် နိုင်ငံချစ်ကြည်ရင်းနှီးမှုများ ပိုမိုခိုင်မာအားကောင်းလာမည့် အခြေအနေများ၊ မြန်မာ-ဘယ်လာရုစ်ကုန်သွယ်ရေးနှင့် စီးပွားရေးပူးပေါင်းဆောင်ရွက်မှုဆိုင်ရာများ၊ မြန်မာနိုင်ငံ၌ လွတ်လပ်၍တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲကျင်းပနိုင်ရေး ကြို တင်ပြင်ဆင်ဆောင်ရွက်လျက်ရှိမှုတိုကိုလည်း ဆွေးနွေးခဲ့ခြင်းလည်းဖြစ်သည်။