ရန်ကုန်မြို့ရှိ ပြည်သူ့ရင်ပြင်တွင် ယနေ့ နိုဝင်ဘာ ၁ ရက်မှနံနက်ပိုင်းမှစတင်၍ ၂၀၂၅ ခုနှစ် တန်ဆောင်တိုင် MSMEs ဈေးရောင်းပွဲတော်နှင့် ဂီတဖျော်ဖြေပွဲကျင်းပရာ ရန်ကုန်တိုင်းဝန်ကြီးချုပ်ဦးစိုးသိန်းနှင့် တာဝန်ရှိသူများတက်ရောက်ခဲ့ကြကြောင်း သိရသည်။
ရန်ကုန်တိုင်းဝန်ကြီးချုပ် ဦးစိုးသိန်းမှ ပြည်သူလူထုအနေဖြင့် စိတ်လက်ပေါ့ပါးပျော်ရွှင်စွာ ဂီတဖျော်ဖြေမှုများကိုကြည့်ရှုခံစား၍ MSMEs ထုတ်ကုန်ပစ္စည်းများကို ဈေးနှုန်းချိုသာစွာဝယ်ယူအားပေးနိုင်ရေး၊ ထုတ်လုပ်ပြသရောင်းချသူများအနေဖြင့် တစ်ဦးနှင့်တစ်ဦး မိမိထုတ်ကုန်ပစ္စည်းများကို ကောင်းသောယှဉ်ပြိုင်ခြင်းဖြင့် ပြည်တွင်းသုံးထုတ်ကုန်ပစ္စည်းများမှ ပြည်ပတင်ပို့နိုင်သည့် အမယ်သစ်အရည်အသွေးကောင်းထုတ်ကုန်ပစ္စည်းများဖြစ်ပေါ်စေပြီး MSMEs လုပ်ငန်းများ ပြည်တွင်း၌ပိုမိုတိုးတက်ဖွံ့ဖြိုးလာနိုင်စေရေးတို့အတွက် ရည်မျှော်ရှေးရှုကာ ယခုပွဲတော်ကြီးအားစီစဥ်ကျင်းပခြင်းဖြစ်သည်ဟုပြောကြားခဲ့ကြောင်း သိရသည်။
အဆိုပါ ဈေးရောင်းပွဲတော်အား ယနေ့ နိုဝင်ဘာ ၁ ရက်မှ နိုဝင်ဘာ ၄ ရက်အထိ နေ့စဉ်နံနက် ၈ နာရီမှည ၁ဝ နာ ရီအထိကျင်းပသွားမည်ဖြစ်ကာ ရန်ကုန်တိုင်းအတွင်းရှိ စက်မှုဇုန်များ၊ MSME လုပ်ငန်းရှင်များ၊ အသေးစား စက်မှုလက်မှုလုပ်ငန်းဦးစီးဌာန၊ သမဝါယမဦးစီးဌာန၊ ရန်ကုန်တိုင်းဒေသကြီးရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာန၊ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်(UMFCCI)၊ မြန်မာနိုင်ငံဆန်စပါးအသင်းချုပ်၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၊ MSME by G3G Appဆိုင်ခန်းများ၊ : Weday Online Shop ဆိုင်ခန်းများမှ Online Marketplace 4 Digital Marketing နှင့်ပတ်သက်သည့်ဆွေးနွေးမှုများ၊ ကျောင်းသားလူ ငယ်များ စာဖတ်ရှိန် မြင့်မားစေရေးအတွက် စာအုပ်အရောင်းဆိုင်များနှင့် စားသောက်ဆိုင်များဖြင့် ဆိုင်ခန်းပေါင်း(၆၃၀)ကျော် ခင်းကျင်းပြသရောင်းချလျက်ရှိကြောင်း သိရသည်။
ထို့အတူ ပွဲတော်ရက်များအတွင်း၌လည်း အလှူရှင်များက နေ့စဉ်စတုဒီတာကျွေးမွေးခြင်းများ၊ ရုပ်ရှင်၊ သဘင်နှင့် ဂီတနယ်ပယ်မှကျော်ကြားသည့် အနုပညာရှင်များက ဖျော်ဖြေတင်ဆက်မှုများပြုလုပ်သွားမည်ဖြစ်ကာ ပွဲတော်လာသူများ သွားလာရေးအဆင်ပြေစေရန် အကြို/အပို့ကားများစီစဉ်ထားကြောင်း သိရသည်။
Photo-Ko Aung Myint