အောက်တိုဘာလ ၂၀ ရက်နေ့တွင် ရာထူးတာဝန် စတင်ထမ်းဆောင်ခဲ့သော အင်ဒိုနီးရှား သမ္မတ ပရာဘိုဝို ဆူဘီယန်တိုက ပြည်သူများ၏ မျှော်မှန်းချက်များကို မဖြည့်ဆည်းပေးနိုင်ပါက ဒုတိယ ငါးနှစ်သက်တမ်းကို ဝင်ရောက်ယှဉ်ပြိုင်မည်မဟုတ်ကြောင်း ပြောကြားလိုက်သည်။
“ကျွန်တော်ရဲ့ လေးနှစ်မြောက်တာဝန်ထမ်းဆောင်မှုမှာ ကျွန်တော့်ရဲ့ စွမ်းဆောင်ရည်ကို စိတ်ပျက်မိရင် ကျွန်တော် ဝင်ပြိုင်တော့မှာ မဟုတ်ပါဘူး၊ ကျွန်တော် ရှက်မိပါလိမ့်မယ်” ဟု မစ္စတာ ပရာဘိုဝိုက ဖေဖော်ဝါရီ ၂၅ ရက်အနှောင်းပိုင်းကပြုလုပ်သော ဒီမိုကရက်တစ်ပါတီ ကွန်ဂရက်တွင် မစ္စတာ ပရာဘိုဝိုက ပြောကြားလိုက်သည်။
ပါတီသည် ၎င်း၏ အာဏာရ ညွန့်ပေါင်းအဖွဲ့တွင် သြဇာကြီးမားသော ပါတီဖြစ်သည်။
နောက်လာမည့် ၂၀၂၉ ခုနှစ် ရွေးကောက်ပွဲတွင် အသက် ၇၈ နှစ်ရှိမည်ဖြစ်သော ဗိုလ်ချုပ်ကြီးဟောင်းသည် လက်ရှိစီးပွားရေးတိုးတက်မှုနှုန်း ၅ ရာခိုင်နှုန်းဝန်းကျင်ရှိနေသည်ကို သူ၏ ပထမသက်တမ်းတွင် ၈ ရာခိုင်နှုန်းအထိ မြှင့်တင်ရန် မြင့်မြင့်မားမား ရည်မှန်းထားသည်။
ယင်းသည် ၁၉၉၇ မှ ၁၉၉၈ အာရှ ဘဏ္ဍာရေးအကျပ်အတည်းမတိုင်မီနောက်ပိုင်း အင်ဒိုနီးရှားနိုင်ငံ မရရှိဘူးသော စီးပွားရေးစွမ်းဆောင်မှု ဖြစ်လာမည်ဖြစ်သည်။
အမေရိကန်ဒေါ်လာ ၃၀ ဘီလျံတန်ဖိုးရှိ “အခမဲ့နေ့လည်စာ” အစီအစဉ် အပါအဝင် လူကြိုက်များသော အစီအစဉ်ကြောင့် သူသည် သူ၏ ရာထူးသက်တမ်း ပထမလအနည်းငယ်အတွင်း ထောက်ခံမှုကို အကြီးအကျယ် ရရှိခဲ့သည်။
သို့သော်လည်း အသုံးစရိတ် အမေရိကန်ဒေါ်လာ ၁၉ ဘီလျံဖြတ်တောက်ရန် ပြီးခဲ့သည့် သီတင်းပတ်က သူ၏ အဆိုပြုချက်သည် ဆန္ဒပြမှုများကို ဖြစ်ပေါ်စေခဲ့ပြီး သူ၏ အစိုးရအနေဖြင့် စီးပွားရေးတည်ငြိမ်မှုကို ထိန်းထားရင်း လူထုထောက်ခံမှုကို ရေရှည်ထိန်းသိမ်းရာတွင် ရင်ဆိုင်လာရမည့် စိန်ခေါ်မှု အငွေ့အသက်များကို ကြုံတွေ့လာရသည်။
Ref: သည်စထရိတ်တိုင်းမ်စ်