ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် အိန္ဒိယသမ္မတနိုင်ငံဝန်ကြီးချုပ် H.E. Shri Narendra Modi ကတည်ခင်းဧည့်ခံသည့် ဂုဏ်ပြုနေ့လယ်စာစားပွဲ အခမ်းအနားသို့ တက်ရာက်

ကရင်ပြည်နယ်၊ မြဝတီခရိုင်၌ ယနေ့ ဇွန် ၁ ရက်ကစ တင်သည့် ၂၀၂၆-၂၀၂၇ ပညာသင်နှစ်တွင် စာသင် ကျောင်း(၈၆)ကျောင်းဖွင့်လှစ်သင်ကြားပေးလျက်ရှိကြောင်း သိရသည်။ အခြေခံပညာကျောင်း(၇၄)ကျောင်း၊ ဘုန်းတော်ကြီးသင်ပညာရေးကျောင်း(၅)ကျောင်း၊ ပုဂ္ဂလိကပညာသင်ကျောင်း(၇)ကျောင်း(စုစုပေါင်း ၈၆ ကျောင်း)ကိုဖွင့်လှစ်သင်ကြားပေးလျက်ရှိရာ ကျောင်းဖွင့်လှစ်သည့် ပထမနေ့တွင် ကျောင်းသား/သူများ အေးချမ်းစွာပညာတက်ရောက်သင်ကြားခဲ့ကြောင်း သိရသည်။ ထိုသို့ သင်ကြားနေမှုများကို တာဝန်ရှိသူများကကြည့်ရှုအားပေး၍ လိုအပ်ချက်များကို ညှိနှိုင်းဆောင်ရွက်ပေးခဲ့ကြသည်။ မြဝတီခရိုင်အတွင်း၌ အခြေခံပညာကျောင်း(၁၀၅)ကျောင်း၊ ဘုန်းတော်ကြီးသင်ပညာရေးကျောင်း(၅)ကျောင်း၊ ပုဂ္ဂလိကပညာသင်ကျောင်း (၇) ကျောင်း(စုစုပေါင်း ၁၁၇ ကျောင်း)ရှိကြောင်း သိရသည်။

အိန္ဒိယနိုင်ငံသို့ တရားဝင်ခရီးစဥ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံသမ္မတ H.E. Smt. Droupadi Murmuတို့သည် ယနေ့ ဇွန် ၁ ရက်တွင် အိန္ဒိယနိုင်ငံ သမ္မတအိမ်တော် (Rashtapati Bhavan )တွင်တွေ့ဆုံကာ နှစ်နိုင်ငံအကျိုးအတွက် ပူးပေါင်းဆောင်ရွက်မှုများနှင့်ပတ်သက်၍ ဆွေးနွေးသွားမည်ဖြစ်သည်။

မြောက်ဥက္ကလာပမြို့နယ်အတွင်းရှိ အထက (၇) ကျောင်းအနီး ကုက္ကိုလ်ပင်ကို မိုးကြိုးပစ်ရာ အနီးအနားရှိ ဆရာမနှင့် Grade 1 ကျောင်းသားနှစ်ဦး ထိခိုက်ဒဏ်ရာရရှိခဲ့ကြောင်း သိရသည်။ ဖြစ်စဉ်မှာ ကျောင်းဆင်းချိန် အဆိုပါ Grade 1 ကျောင်းသားနှစ်ဦးကို မိဘများလာမကြိုသေးသဖြင့် ကုက္ကိုလ်ပင်‌ေအာက်တွင် ဆရာမမှကူညီစောင့်ဆိုင်းပေးနေစဉ် အဆိုပါ ကုက္ကိုလ်ပင်ကိုမိုးကြိုးပစ်ခဲ့ခြင်းဖြစ်သည်။ မိုးကြိုးဒဏ်ခံခဲ့ရသည့် ကလေးငယ်နှစ်ဦးမှာ Grade 1 တန်းတွင် တက်ရောက်ပညာသင်ကြားနေသူများဖြစ်ပြီး လက်ရှိတွင် ဒဏ်ရာရရှိသည့်ဆရာမနှင့် ကလေးနှစ်ဦးကို မြောက်ဥက္ကလာဆေးရုံသို့ ပို့ဆောင်ထားကြောင်း သိရသည်။