ပြည်တွင်း/ပြည်ပခရီးသွားများအနေဖြင့် ငလျင်ဒဏ်သင့်ဒေသများသို့သွားရောက်လေ့လာကြည့်ရှုပါက ဒေသခံများ၏ အလုပ်အကိုင်အခွင့်အလမ်းများတိုးပွားရရှိစေနိုင်မည်ဟု ဟိုတယ်နှင့်ခရီးသွားလာရေးဝန်ကြီးဌာနမှ မန္တလေးငလျင်ကြီးအပြီး မြန်မာနိုင်ငံရှိ ခရီးစဥ်ဒေသများသို့သွားရောက်လည်ပတ်နိုင်မှုအတွက် ခရီးသွားအကြံပြုချက်(၁/၂ဝ၂၅)အဖြစ် မေ ၈ ရက်က အသိပေးကြေညာခဲ့ခြင်းဖြစ်သည်။
မန္တလေးငလျင်ကြီးဒဏ်သင့်ဒေသများတွင် ကူညီကယ်ဆယ်ရေးလုပ်ငန်းများ၊ ပြန်လည်ထူထောင်ရေးလုပ်ငန်းများကို နိုင်ငံတော်အစိုးရ၊ တိုင်း/ပြည်နယ်အစိုးရအဖွဲ့များ၊ ပြည်တွင်း/ပြည်ပမှ ကူညီကယ်ဆယ်ရေးအဖွဲ့များ၊ ပရဟိတအဖွဲ့များနှင့် ဒေသခံများက ဝိုင်းဝန်းပူးပေါင်းဆောင်ရွက်လျက်ရှိသည်။
ထို့ပြင် ယင်းဒေသများ၌ ငလျင်ဒဏ်ကြောင့် ထိခို-က်ပျ-က်စီးမှုမရှိသော ဟိုတယ်များ၊ ခရီးသွားအေဂျင်စီများ၊ ဟိုတယ်နှင့် ခရီးသွားဆိုင်ရာအသင်းအဖွဲ့များအနေဖြင့်လည်း ခရီးသွားလုပ်ငန်းများကို ပုံမှန်အ တိုင်းပြန်လည်လည်ပတ်ဆောင်ရွက်လျက်ရှိသည်။
ထို့ကြောင့် ပြည်တွင်း/ပြည်ပခရီးသွားများအနေဖြင့် မြန်မာနိုင်ငံ၏ ခရီးစဉ်ဒေသများအနက် ငလျင်ဒဏ်သင့်ရာဒေသများ၌ ငလျင်ကြောင့်ထိခို-က်ပျ-က် စီးဆုံးရှုံးခဲ့ရမှုများကို သွားရောက်လေ့လာကြည့်ရှုခြင်းဖြင့် ငလျင်အန္တရာယ်နှင့်ပတ်သက်သည့် ဗဟုသုတများရရှိစေနိုင်မည်ဖြစ်ကာ ယင်းဒေသရှိ ဟိုတယ်နှင့်ခရီးသွားလုပ်ငန်းများကို တစ်ဖက်တစ်လမ်းမှအထောက်အကူပြုပြီး ဒေသခံများ၏ အလုပ်အကိုင်အခွင့်အလမ်းများနှင့် ဝင်ငွေများတိုးပွားရရှိစေနိုင်ကာ ဒေသ၏အကျိုးစီးပွားကိုလည်း အထောက်အပံ့ဖြစ်စေနိုင်မည်ဖြစ်သည်။
ထိုသို့ သွားရောက်လည်ပတ်ချိန်တွင် ခရီးသွားများအနေဖြင့် သက်ဆိုင်ရာ ဒေသအာဏာပိုင်များမှ အချိန်နှင့်တစ်ပြေးညီထုတ်ပြန်သော ကြေညာချက်များကို တရားဝင်သတင်းများမှစောင့်ကြည့်လေ့လာကြရန်နှင့် ခရီးစဉ်အတွင်း ဒေသဆိုင်ရာညွှန်ကြား ချက်များကိုလိုက်နာကြရန် ဟိုတည်ခရီးဝန်ကြီးဌာနက အကြံပြုခဲ့သည်။
မန္တလေးငလျင်ကြီးဒဏ်ကြောင့် စစ်ကိုင်းတိုင်း၊ မန္တလေးတိုင်း၊ နေပြည်တော်၊ ပဲခူးတိုင်းနှင့် ရှမ်းပြည်နယ်တို့တွင်ပျ-က်စီးဆုံးရှုံးမှုများဖြစ်ပေါ်ခဲ့ရပြီး ရှင်းလင်းမှုများမှင့်ပြန်လည်ထူထောင်ရေးလုပ်ငန်းများဆောင်ရွက်လျက်ရှိ၍ ငလျင်ဒဏ်သင့်ဒေသများနှင့် မြန်မာနိုင်ငံ၏ ခရီးစဉ်ဒေသများ၊ ခရီးသွားဆွဲဆောင်ရာနေရာများကို ယခင်ပုံမှန်အတိုင်း သွားလာလည်ပတ်နိုင်သည်ဟုလည်း ဟိုတယ်ခရီးဝန် ကြီးဌာနက အသိပေးခဲ့သည်။