နှစ်သစ်တွင် တိုင်းရင်းသားပြည်သူအားလုံး၏ ဆန္ဒနှင့်အညီ ထာဝရငြိမ်းချမ်းရေး၊ အမျိုးသားပြန်လည်သင့် မြတ်ရေး၊ နိုင်ငံတော်ဖွံ့ဖြိုးတိုးတက်ရေးတို့ကို မိမိတို့အားလုံး တက်ညီလက်ညီပူးပေါင်းဆောင်ရွက်ပြီး ပြည်သူများ၏ လူမှုစီးပွားဘဝများ အဘက်ဘက်ကမြင့်မားတိုးတက်ကြပါစေဟု နိုင်ငံတော် ဒုတိယသမ္မတဦးညိုစောက နှစ်သစ်ကူးနှုတ်ခွန်းဆက်စကားပြောကြားရာ၌ ဆု တောင်းစကားဆိုခဲ့သည်။
ယခုနှစ် နှစ်သစ်ကူးကာလသည် နိုင်ငံသားအားလုံးလို လားတောင့်တနေသည့် ဒီမိုကရေစီနိုင်ငံတော်သစ်ကို ပြန်လည်ကူးပြောင်းစတင်လျှောက်လှမ်းနေချိန်နှင့် တိုက်ဆိုင်နေ၍ ယမန်နှစ်များထက် ပိုမိုထူးခြားလေး နက်ပြီး မင်္ဂလာကျက်သရေပိုမိုပြည့်ဝလျက်ရှိသည်ဟုလည်း ပြောသည်။
ထို့ကြောင့် ပြည်ထောင်စုကြီး၏ ရှေ့ဆက်ရမည့်ခရီးလမ်းဖြောင့်ဖြူးသာယာအောင်မြင်စေရန် မိမိတို့တိုင်း ရင်းသားပြည်သူများအားလုံး စည်းလုံးညီညွတ်မှု၊ နား လည်မှု၊ ယုံကြည်မှု၊ အပြန်အလှန်တန်ဖိုးထားလေးစားမှု၊ နိုင်ငံချစ်စိတ်၊ မျိုးချစ်စိတ်ဓာတ်၊ ပြည်ထောင်စု စိတ်ဓာတ်များကိုမြှင့်တင်ပြီး စုပေါင်းအင်အားနှင့် အ ကောင်အထည်ဖော်တည်ဆောက်သွားကြရန်လည်း တိုက်တွန်းပြောကြားသည်။
ထို့ပြင် ယခုနှစ်သစ်မှစ၍ ပြည်ထောင်စုဖွား တိုင်းရင်း သားညီအစ်ကိုမောင်နှမများအားလုံး ကောင်းကျိုးလို အင်ဆန္ဒမှန်သမျှပြည့်ဝကြပါစေ၊ စိတ်ချမ်းသာကိုယ်ကျန်းမာစွာဖြင့် နိုင်ငံနှင့် ပြည်သူတို့ကိုအကျိုးပြုနိုင်သူများဖြစ်ကြပါစေ၊ အေးချမ်းသာယာစွာနှင့် လူမှုစီး ပွားဘဝများ ဖွံ့ဖြိုးတိုးတက်ကြပါစေဟုလည်း ဒုတိယသမ္မတဦးညိုစောက ဆုတောင်းမေတ္တာပို့သခဲ့သည်။