မြန်မာနှစ်သစ်မင်္ဂလာအခါ သမယ အထိမ်းအမှတ်ဖြင့် ပြစ်ဒဏ်လွတ်ငြိမ်းသက်သာခွင့် အမိန့်(၃၉) အရ သေဒဏ်ပြစ်ဒဏ်ကျခံနေရသူများ ကို ထောင်ဒဏ်တစ်သက် နှင့် ထောင်ဒဏ်တစ်သက်ကျခံနေရသူများကို ထောင်ဒဏ် နှစ် ၄၀ သို့ လျှော့ပေါ့ ကျခံစေရန် ပြစ်ဒဏ်လွတ်ငြိမ်းသက်သာခွင့်ပေး လိုက်ကြောင်း ယနေ့ နှစ်ဆန်းတစ်ရက်နေ့ ဧပြီ ၁၇ ရက်နေ့ ရက်စွဲဖြင့် နိုင်ငံတော် သမ္မတရုံး ထုတ်ပြန်ချက်အရ သိရသည်။
သေဒဏ်ပြစ်ဒဏ်ကျခံနေရသူများကို ထောင်ဒဏ်တစ်သက်သို ပြောင်းလဲကျခံစေရန်၊ ထောင်ဒဏ်တစ်သက် နှင့် နှစ် အကန့်သတ်မရှိ ထောင်ဒဏ်ကျခံနေရသူများကို ထောင်ဒဏ် နှစ် ၄၀ သို့ လျှော့ပေ့ါ ကျခံစေရန် ( ယခင် ပြစ်ဒဏ်လွတ်ငြိမ်းခွင့်အမိန့်များအရ သေဒဏ်မှ ထောင်ဒဏ်တစ်သက်သို့ပြောင်းလဲထားသူများမပါ) ကြောင်း ဖော်ပြထားသည်။
ထိုပြင် ထောင်ဒဏ် နှစ် ၄၀ အထက်ကျခံနေရသူများကို ထောင်ဒဏ် နှစ် ၄၀ သို့ ပြောင်းလဲကျခံစေရန် နှင့် ထောင်ဒဏ် နှစ် ၄၀ နှင့် အောက်ကျခံနေရသူများကို ကျခံရန် ကျန်ရှိနေသည့် ပြစ်ဒဏ် ၏ ခြောက်ပုံတစ်ပုံအား လျှောပေါ့ ကျခံစေရန် နိုင်ငံတော်သမ္မတ အမိန့် ဖြင့် လွတ်ငြိမ်းသက်သာခွင့်ပြုလိုက်ကြောင်း သိရသည်။
အဆိုပါ လွတ်ငြိမ်းသက်သာခွင့်တွင် ၂၀၂၆ ခုနှစ် ဧပြီ ၁၇ ရက်မတိုင်မီ ကျုးလွန်ခဲ့သောပြစ်မှုတစ်ခုခုနှင့် စပ်လျဉ်းပြီး ပြစ်ဒဏ်သတ်မှတ်ခြင်းခံထားရသူများ ပါဝင်မည်ဖြစ်ကြောင်း သိရသည်။