နူးယော့ခ်၊ဒီဇင်ဘာ ၃၁
ကမ္ဘာ့လူဦးရေသည် ၂၀၂၄ ခုနှစ်၌ ၇၁ သန်းကျော်အထိ တိုးလာခဲ့ပြီး နှစ်သစ်ကူးနေ့တွင် ၈ ဒသမ ၀၉ ဘီလျံ ဖြစ်လာမည်ဟု အမေရိကန်သန်းခေါင်စာရင်းဗျူရိုမှ တနင်္လာနေ့ကထုတ်ပြန်သော ခန့်မှန်းချက်အရသိရသည်။
၂၀၂၄ ၌ လူဦးရေ ၀ ဒသမ ၉ သန်းတိုးလာသော်လည်း ကမ္ဘာ့လူဦးရေ ၇၅ သန်းအထိတိုးလာဖူးသည့် ၂၀၂၃ နှင့်ယှဉ်လျှင် အနည်းငယ်ကျဆင်းသွားသည်ဟုလည်းသိရသည်။
ခန့်မှန်းချက်များအရ ၂၀၂၅ ခုနှစ် ဇန်နဝါရီလတွင် ကမ္ဘာတစ်ဝှမ်း၌ စက္ကန့်တိုင်းတွင် မွေးဖွားမှု ၄ ဒသမ ၂ နှင့် ေ-သဆုံးမှု ၂ ခု ရှိလိမ့်မည်ဟုခန့်မှန်းထားကြသည်ဟုလည်းသိရသည်။
အမေရိကန်ပြည်ထောင်စုသည် ၂၀၂၄ ခုနှစ်တွင် လူဦးရေ ၂ ဒသမ ၆ သန်းတိုးလာပြီး နှစ်သစ်ကူးနေ့တွင် အမေရိကန်လူဦးရေသည် ၃၄၁ သန်းရှိလိမ့်မည်ဟု သန်းခေါင်စာရင်းဗျူရို၏ထုတ်ပြန်မှုအရသိရသည်။
၂၀၂၅ ခုနှစ် ဇန်နဝါရီလတွင် ၉ စက္ကန့်လျှင် တစ်ဦးမွေးဖွားပြီး ၉ ဒသမ ၄ စက္ကန့်တိုင်းတွင် တစ်ဦးေ-သဆုံးမည်ဟု အမေရိကန်ပညာရှင်များကတွက်ဆထားသည်။
နိုင်ငံတကာရွှေ့ပြောင်းနေထိုင်သူများအနေဖြင့် ၂၃ ဒသမ ၂ စက္ကန့်တိုင်းတွင် အမေရိကန်သို့ လူတစ်ဦးတိုးလာမည်ဖြစ်ကာ မွေးဖွားမှု၊ေ-သဆုံးမှုနှင့် နိုင်ငံတကာအသားတင်ရွှေ့ပြောင်းနေထိုင်မှုအားလုံးပေါင်းသည် ၂၁ ဒသမ ၂ စက္ကန့်တိုင်းတွင် အမေရိကန်၌လူတစ်ဦး တိုးလာမည်ဟုလည်းပြောကြားခဲ့သည်။
Source : ရှင်းဟွာ