မြန်မာ – ရုရှား နှစ်နိုင်ငံ ခေါင်းဆောင်များ၏ အမြော်အ မြင်ရှိမှုနှင့် နှစ်ဖက်ပူးတွဲအားထုတ်မှုများကြောင့် နစက အစိုးရလက်ထက်တွင် နှစ်နိုင်ငံဆက်ဆံရေး သိသာထင် ရှား စွာတိုးတက်လာကြောင်း ဒုတိယဗိုလ်ချုပ်မှူးကြီး စိုးဝင်းက ပြောသည်။
နေပြည်တော်ရှိ Hilton ဟိုတယ်၌ ဖေဖော်ဝါရီ ၁၈ ရက်ညပိုင်းက ကျင်းပခဲ့သည့် မြန်မာ – ရုရှား နှစ်နိုင်ငံသံတမန်ဆ က်ဆံရေး (၇၅)နှစ်မြောက် စိန်ရတု အထိမ်းအမှတ်ဧည့်ခံ ပွဲတွင် နစက ဒုတိယ ဥက္ကဋ္ဌက ပြောကြားခဲ့ခြင်းဖြစ်သ ည်။
မြန်မာ-ရုရှား နှစ်နိုင်ငံ သံတမန်ဆက်ဆံရေးကို ၁၉၄၈ ခုနှစ်၊ ဖေဖော်ဝါရီ (၁၈) ရက်တွင် စတင်ထူထောင်ခဲ့ပြီး မြန် မာနိုင်ငံနှင့် ရုရှားနိုင်ငံအကြား ဆက်ဆံရေးသည် ခိုင်မာသထက် ခိုင်မာလျက်ရှိကာ နှစ်နိုင်ငံလုံးအနေဖြင့် ရင်းနှီးချစ်ကြည်ပြီး နီးကပ်သည့်ဆက်ဆံရေးအား တန်ဖိုးထားထိန်းသိမ်းနိုင်ခဲ့ကြောင်းလည်း နစက ဒုတိယဥက္ကဋ္ဌက ပြောသည်။
မြန်မာ-ရုရှား နှစ်နိုင်ငံဆက်ဆံရေးကာလအစ ကောင်းမွန်သည့် ပြယုဂ်များအဖြစ် ရုရှား-မြန်မာ ချစ်ကြည်ရေးအ တွက် ရုရှားနိုင်ငံမှ တာဝန်ယူပြီး ၁၉၆၁ ခုနှစ်က ရှမ်းပြည် နယ် တောင်ကြီးမြို့တွင် ဖွင့်လှစ်ခဲ့သည့် စဝ်စံထွန်းဆေး ရုံ၊ ၁၉၆၁ ခုနှစ်တွင် ဖွင့်လှစ်နိုင်ခဲ့သည့် ရန်ကုန်နည်းပညာတက္ကသိုလ်၊ ၁၉၆၂ ခုနှစ်တွင် ဖွင့်လှစ်ခဲ့သည့် ရန်ကုန်အ င်းယားလိတ်ဟိုတယ်နှင့် ၁၉၆၇ ခုနှစ်တွင် ပြီးစီးခဲ့သည့် ကြက်မောက်တောင်ဆည်တို့သည် နှစ်နိုင်ငံကြားဆက်ဆံရေး ရေရှည်တည်တံ့ခိုင်မြဲမှုကိုအမြဲတမ်းပေါ် လွင်ထင်ဟ တ်နေမည်ဟု ဆိုသည်။
၂၀၂၁ ခုနှစ် နစက အစိုးရ လက်ထက်တွင် မြန်မာ- ရုရှား ဆက်ဆံရေးသည် သိသာထင်ရှားစွာတိုး တက်လာကာ နှ စ်နိုင်ငံခေါင်းဆောင်များ၏ အမြော်အမြင်ရှိမှုနှင့်နှစ်ဖက်ပူးတွဲအားထုတ်မှုများကြောင့် မြန်မာ-ရုရှား နှစ်နိုင်ငံဆက် ဆံရေးနှင့် ပူးပေါင်းဆောင်ရွက်မှုများသည် ယနေ့အချိန်တွင် အမြင့်ဆုံးသို့ရောက်ရှိနေပြီကို ဂုဏ်ယူဝင့်ကြွားစွာ ပြောကြားနိုင်ပြီဖြစ်ကြောင်းလည်း ၎င်းကဆိုသည်။
နှစ်နိုင်ငံ အကြား သံတမန်ဆက်ဆံရေးအရ ရုရှားနိုင်ငံ၊ စိန့်ပီတာစဘတ်မြို့နှင့် နိုဗိုစီဗစ်မြို့တို့တွင် မြန်မာကောင် စစ်ဝန်ချုပ်ရုံးများကို မကြာမီ ဖွင့်လှစ်သွားမည်ဖြစ်ပြီး ရုရှားနိုင်ငံတွင် ယခုကဲ့သို့ မြန်မာကောင်စစ်ဝန်ချုပ်ရုံးသစ်များ ဖွင့်လှစ်နိုင်ခြင်းသည် နှစ်နိုင်ငံချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများကို သိသိသာသာအထော က်အကူဖြစ်စေမည်ဟုလည်း နစက ဒုဥက္ကဋ္ဌက ပြောသည်။
