နီပေါ လေးနိုင်ငံ ဖိတ်ခေါ် ဘောလုံးပြိုင်ပွဲ ဝင်ရောက်ယှဉ်ပြိုင်မည့် မြန်မာ့လက်ရွေးစင် အမျိုးသမီးဘောလုံးအသင်းသည် ယနေ့ ဖေဖော်ဝါရီ (၁၆)ရက် မွန်းလွဲပိုင်းအချိန်က ပြိုင်ပွဲကျင်းပမည့် Dasharath ကွင်းတွင် Official Training ပြုလုပ်ခဲ့ကြောင်း သိရသည်။
မြန်မာ့လက်ရွေးစင် အမျိုးသမီးအသင်းအနေဖြင့် ဖေဖော်ဝါ ရီ(၁၇)ရက် မွန်းလွဲ(၂)နာရီအချိန်၌ လက်ဘနွန် အသင်းနှင့် ယှဉ်ပြိုင်ကစားရမည်ဖြစ်ပြီး ဗိုလ်စွဲနိုင်ရေး ရေပန်းအစားဆုံးအသင်းတစ်ခုအဖြစ် စိတ်ဝင်စားမှုမြင့်တက် နေသည်။
ထို့အတူ ဖေဖော်ဝါရီ (၂၀) ရက်တွင် ကာဂျစ္စတန်၊ ဖေဖော် ဝါရီ (၂၃) ရက်တွင် အိမ်ရှင် နီပေါအသင်းတို့နှင့် ယှဉ်ပြိုင် ကစားရမည်ဖြစ်ပြီး အမှတ်အများဆုံးရရှိသည့် ထိပ်ဆုံးနှစ်သင်းသည် ဖေဖော်ဝါရီ (၂၆ ) ရက်တွင် နောက်ဆုံး ဗိုလ်လုပွဲအဖြစ် ယှဉ်ပြိုင်ကစားရမည်ဖြစ်သည်။
” ပထမဆုံးအနေနဲ့ ကျွန်တော်တို့ကို ဒီပြိုင်ပွဲ ဖိတ်ခေါ် ပေးတဲ့ အိမ်ရှင်နီပေါ၊ ဝင်ရောက်ယှဉ်ပြိုင်ပေးတဲ့ လက်ဘနွန်နဲ့ ကာဂျစ္စတန်အသင်းတို့ကို ကျေးဇူးတင်ကြောင်း ပြောလိုပါတ ယ်။ပြိုင်ဘက်အသင်းတွေနဲ့ ပတ်သက်ပြီး ပြောကြားလိုတာကတော့ အသင်းတိုင်းက အကောင်းဆုံးပြင်ဆင် လာတာဖြ စ်လို့ ကျွန်တော်တို့ အသင်းအနေနဲ့လည်း တစ်ပွဲချင်းစီ သေ ချာအာရုံစိုက် ပြင်ဆင်ကာ အသင်းတိုင်းကို လေးလေးစား စားနဲ့ယှဉ်ပြိုင် ကစားသွားပါမယ်”ဟု ယနေ့ ပွဲကြို သတင်း စာရှင်းလင်းပွဲတွင် နည်းပြချုပ် ယုကီတက်ဆုရိုက ပြောကြားသည်။
ထို့ပြင် အသင်းတိုက်စစ်မှူး ဝင်သိင်္ဂီထွန်းက “နီပေါမှာ နော က်ထပ်တစ်ကြိမ် လာကစားခွင့်ရလို့ ကျေနပ်မိပါတယ်။ကျွန် တော်တို့အသင်းက ၂၀၂၄ မှာပြည်တွင်းမှာ ကစားခဲ့တဲ့ ခြေ စမ်းပွဲတွေပဲရှိခဲ့ပြီး ပြည်ပထွက် ကစားတဲ့ နိုင်ငံတကာပွဲတွေ မရှိခဲ့ပါဘူး။ ဒါကြောင့် ဒီပွဲဟာ အသင်းအတွက် အထောက် အကူဖြစ်စေမှာပါ။ ကျွန်တော်တို့အနေနဲ့ အသင်းတိုင်းကို အ ကောင်းဆုံး ကြိုးစားကစားသွားမှာပါ”ဟု ဆိုသည်။
လက်ရှိ ဖွဲ့စည်းထားသည့် မြန်မာလက် ရွေးစင်အသင်းတွင် ပြည်ပနိုင်ငံသို့ သွား ရောက်ကစားနေသည့် တိုက်စစ်မှူးများဖြင့် ဖွဲ့ စည်းထားသည်ကို တွေ့ရသည်။
မြန်မာ့လက်ရွေးစင် အမျိုးသမီးအသင်းသည် ဖေဖော်ဝါရီ (၁၄)ရက် နှင့် (၁၅) ရက် နံနက်ပိုင်းအချိန်၌ ရန်ကုန်အပြည်ပြည်ဆိုင်ရာလေဆိပ်မှ ပြိုင်ပွဲကျင်းပမည့် နီပေါနိုင်ငံ၊ ခတ္တမန္ဒုမြို့သို့ နှစ်သုတ်ခွဲ၍ ထွက်ခွာခဲ့ကြခြင်းဖြစ်သည်။