နိုင်ငံတော်သမ္မတ ဦးမင်းအောင်လှိုင်ကို တရုတ်နိုင်ငံ ဂုဏ်ပြုတပ်ဖွဲ့က နိုင်ငံတော်အဆင့် ဂုဏ်ပြုကြိုဆို

တရုတ်ပြည်သူ့သမ္မတနိုင်ငံ သမ္မတ
မစ္စတာရှီကျင့်ဖျင်၏ ဖိတ်ကြားချက်အရ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသောနိုင်ငံတော်သမ္မတ ဦးမင်းအောင်လှိုင်

မကြာမီ တွေ့ဆုံကြတော့မည့်ထိပ်သီးခေါင်းဆောင်နှစ်ဦး၏ လတ်တလော နိုင်ငံတကာ သံတမန်ရေးရာ လှုပ်ရှားမှုများ

ယခု ထိပ်သီးတွေ့ဆုံပွဲ မတိုင်မီကာလအတွင်း မြန်မာနိုင်ငံတော်သမ္မတ ဦးမင်းအောင်လှိုင် နှင့် တရုတ်နိုင်ငံသမ္မတ မစ္စတာရှီကျင့်ဖျင် တို့သည် ကမ္ဘာ့အင်အားကြီးနိုင်ငံ ခေါင်းဆောင်များ၊ အိမ်နီးနားချင်းများနှင့် အာဆီယံဒေသတွင်း ခေါင်းဆောင်များနှင့် သံတမန်ရေးရာ တွေ့ဆုံမှုများ အသီးသီး ပြုလုပ်ခဲ့ကြသည်။

မြန်မာသမ္မတ ဦးမင်းအောင်လှိုင် ၏ သံတမန်ရေးရာ လှုပ်ရှားမှုများ

အိန္ဒိယနိုင်ငံ ခရီးစဉ်

နိုင်ငံတော်သမ္မတအဖြစ် ရွေးကောက်တင်မြှောက်ခြင်း ခံရပြီးနောက် ပထမဆုံး နိုင်ငံတကာခရီးစဉ်အဖြစ် အိန္ဒိယဝန်ကြီးချုပ် မိုဒီ၏ ဖိတ်ကြားချက်အရ မေလ ၃၀ ရက်တွင် သွားရောက်ခဲ့ပြီး အိန္ဒိယသမ္မတ၊ ဝန်ကြီးချုပ်တို့နှင့် တွေ့ဆုံခဲ့သည်။

အင်ဒိုနီးရှား နိုင်ငံခြားရေးဝန်ကြီးနှင့် တွေ့ဆုံခြင်း

မြန်မာနိုင်ငံသို့ တရားဝင်ခရီးစဉ် ရောက်ရှိလာသည့် အင်ဒိုနီးရှားနိုင်ငံ နိုင်ငံခြားရေးဝန်ကြီး၏ ဇွန် ၈ ရက်က ဂါ ရဝပြုတွေ့ဆုံမှုကိုလည်း လက်ခံတွေ့ဆုံခဲ့သည်။

လာအိုဒု-ဝန်ကြီးချုပ်အား လက်ခံတွေ့ဆုံခြင်း

ဇွန်လ ၁၂ ရက်က မြန်မာနိုင်ငံသို့ ရောက်ရှိလာသည့် လာအိုနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Mr. Thongsavan Phomvihane အား လက်ခံတွေ့ဆုံခဲ့သည်။လာအိုသို့ ဖိတ်သည့် ဖိတ်ကြားစာပါ တပါတည်းယူလာခဲ့သည်။

တရုတ်သမ္မတ မစ္စတာရှီကျင့်ဖျင်၏ သံတမန်ရေးရာ လှုပ်ရှားမှုများ

အမေရိကန်သမ္မတနှင့်
တွေ့ဆုံခြင်း

မေလ ၁၄ ရက် နံနက်ပိုင်းကလည်း တရုတ်နိုင်ငံသို့ နိုင်ငံတော်အဆင့် အလည်အပတ်ခရီးစဉ် ရောက်ရှိလာသည့် အမေရိကန်သမ္မတ မစ္စတာဒေါ်နယ်ထရမ့် (Mr. Donald Trump) နှင့် ပေကျင်းမြို့ရှိ ပြည်သူ့ခန်းမဆောင်ကြီးတွင် တွေ့ဆုံခဲ့သည်။

ရုရှားသမ္မတနှင့် တွေ့ဆုံခြင်း

မေလ ၂၀ ရက် နံနက်ပိုင်းက တရုတ်နိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် လာရောက်ခဲ့သည့် ရုရှားနိုင်ငံသမ္မတ မစ္စတာပူတင်နှင့် တွေ့ဆုံဆွေးနွေးခဲ့သည်။

မြောက်ကိုရီးယားခရီးစဉ်

ဇွန်လ ၈ ရက်နှင့် ၉ ရက်တို့တွင် မြောက်ကိုရီးယားနိုင်ငံ ပြုံယမ်းမြို့သို့ နိုင်ငံတော်အဆင့် ခရီးစဉ် သွားရောက်ခဲ့ပြီး မြောက်ကိုရီးယားခေါင်းဆောင် ကင်ဂျုံအန်းနှင့် တွေ့ဆုံခဲ့သည်။

နှစ်နိုင်ငံအကျိုးစီးပွားအတွက် အကောင်းဆုံးရလဒ်များ ထွက်ပေါ်လာနိုင်ဟု သုံးသပ်

ယခုကဲ့သို့ နိုင်ငံတော်သမ္မတ ဦးမင်းအောင်လှိုင်နှင့် တရုတ်နိုင်ငံသမ္မတ မစ္စတာရှီကျင့်ဖျင်တို့ မတွေ့ဆုံမီ ကမ္ဘာ့အင်အားကြီးနိုင်ငံ ခေါင်းဆောင်များ၊ အာဆီယံအဖွဲ့ဝင်နိုင်ငံများမှ တာဝန်ရှိသူများနှင့် အသီးသီး တရားဝင်တွေ့ဆုံ ဆွေးနွေးမှုများ ပြုလုပ်ခဲ့ပြီးဖြစ်ရာ ပထဝီနိုင်ငံရေးအရ ကမ္ဘာ့က စောင့်ကြည့်ရမည့် ခရီးစဉ်တစ်ခု ဖြစ်လာသည်။

ယခု ထိပ်သီးခေါင်းဆောင်နှစ်ဦး တိုက်ရိုက်တွေ့ဆုံ ဆွေးနွေးမှုမှတစ်ဆင့် မြန်မာ-တရုတ် နှစ်နိုင်ငံအကြား ကုန်သွယ်ရေး၊ ရင်းနှီးမြှုပ်နှံမှုနှင့် ဒေသတွင်း တည်ငြိမ်အေးချမ်းရေးတို့အတွက် အကောင်းမွန်ဆုံးသော မဟာဗျူဟာမြောက် ရလဒ်ကောင်းများ ထွက်ပေါ်လာလိမ့်မည်ဟု နိုင်ငံတကာရေးရာ ကျွမ်းကျင်သူများက သုံးသပ်ထားကြကြောင်း သိရသည်။

နိုင်ငံတော်သမ္မတ လိုက်ပါလာသော အထူးလေယာဥ်သည် တရုတ်နိုင်ငံ၊ ပေကျင်းမြိုရှိ Capital လေဆိပ်သို့ ဆိုက်ရောက်လာရာ တရုတ်နိုင်ငံအစိုးရအဖွဲ့တာဝန်ရှိသူများက တရုတ်နိုင်ငံ ဂုဏ်ပြုတပ်ဖွဲ့နှင့်အတူ နိုင်ငံ တော်အဆင့်ကြိုဆိုနှုတ်ဆက်ခဲ့ကြသည်။