ရှမ်အယ်လ်ရှိတ်၊နိုဝင်ဘာ ၂၀
ယနေ့နိုဝင်ဘာ ၂၀ ရက်နေ့၌ အီဂျစ်နိုင်ငံတွင်ကျင်းပလျက်ရှိသော ရာသီဥတုအရေးဆိုင်ရာ ထိပ်သီးစည်းဝေးပွဲ COP 27 တွင် ရာသီဥတုပြောင်းလဲမှုဒဏ်ခံစားနေရသော နိုင်ငံငယ်လေးများအတွက် လျော်ကြေးငွေပေးဆောင်ရန် အစီအစဉ်အား အတည်ပြုဆုံးဖြတ်ခဲ့ကြကြောင်းသိရှိရသည်။
တစ်ညလုံးနီးပါး တင်းမာမှုများဖြစ်ခဲ့သည့် အဆိုပါညှိနှိုင်းမှုများအပြီးတွင် COP 27 ကို လက်ခံကျင်းပသည့် အိမ်ရှင်အီဂျစ်နိုင်ငံဘက်မှ အားလုံးလက်ခံသဘောတူထားသည်များကို မူကြမ်းထုတ်ပြန်ခဲ့ပြီး ကုလအသိအမှတ်ပြုသဘောတူညီချက်ဖြစ်လာစေရန် အစည်းအဝေးတစ်ရပ်ကိုတစ်ပြိုင်တည်းခေါ်ယူခဲ့သည်။
ယင်းနောက် ဖွံ့ဖြိုးဆဲနိုင်ငံငယ်များအတွက် မုန်တိုင်းနှင့်ရေလွှမ်းမိုးခြင်းတို့ကဲ့သို့သော ရာသီဥတုဘေးဒဏ်ခံရပြီးပါက ချက်ချင်းပြန်လည်နာလန်ထနိုင်ရန်အတွက် ရန်ပုံငွေထူထောင်မည့်ပြဌာန်းချက်ကို အတည်ပြုခဲ့ကြသည်။
သို့သော်လာမည့် ၂၀၂၃ ခုနှစ် နိုဝင်ဘာလတွင်ကျင်းပမည့် COP 28 ရာသီဥတုထိပ်သီးအစည်းအဝေး၌ မည်သည့်နိုင်ငံကိုထောက်ပံ့ကြေးရန်ပုံငွေပေးမည် စသဖြင့်ဆုံးဖြတ်ရာ၌ အငြင်းပွားစရာပြဿနာများ ဖြစ်လာနိုင်သေးသည်ဟုလည်းဖော်ပြထားသည်။
Source : Reuters