မြန်မာ-ကိုရီးယား ချစ်ကြည်ရေး (ဒလ) တံတားဖြတ်သန်းအသုံးပြုခကို ယာဉ်အမျိုးအစား Class ၄ မျိုးခွဲကာ ဈေးနှုန်းများ သတ်မှတ်၍ ဖေဖော်ဝါရီ ၁၂ ရက်မှ စတင်ကောက်ခံမည်ဖြစ်ကြောင်း ဆောက်လုပ်ရေးဝန်ကြီးဌာန၊ တံတားဦးစီးဌာနမှ သိရသည်။
တံတားဖြတ်သန်းခအဖြစ် Class 1 တွင် ၃ တန်အောက် အိမ်စီးကား အမျိုးအစားကို ကျပ် ၅၀၀ နှုန်း၊ Class 2 တွင် လိုက်ထရပ်၊ ကန်ဒါနှင့် ဒိုင်နာယာဉ် အမျိုးအစားများကို ကျပ် ၁၀၀၀ နှုန်း၊ Class 3 တွင် Mini Bus ယာဉ်အမျိုးအစားများကို ကျပ် ၂၀၀၀ နှုန်းနှင့် Class 4 တွင် ကုန်တင်ယာဉ်အငယ်ဖြစ်သည့် ၈ ဘီး၊ ၆ ဘီးယာဉ်များကို ကျပ် ၄၀၀၀ နှုန်း သတ်မှတ်၍ ကောက်ခံသွားမည်ဖြစ်ကြောင်း သိရသည်။
အဆိုပါ ယာဉ်အမျိုးအစား ၄ မျိုးကိုသာ ဖြတ်သန်းခွင့်ပြုပေးသွားမည်ဖြစ်ပြီး လူဖြတ်သန်းသွားလာမှုကိုလည်း နောက်ပိုင်းတွင် ကန့်သတ်သွားမည်ဖြစ်ကြောင်း သိရသည်။