တရုတ်ရဲက မူးယစ်ဆေးနှိမ်နင်းရေးနှင့်ထိန်းချုပ်ရေးကိုတိုးမြှင့်လုပ်ဆောင်

ပေကျင်း၊ဖေဖော်ဝါရီ ၂၈

၂၀၂၄ ခုနှစ် ဇန်နဝါရီလမှ ၂၀၂၅ ခုနှစ် ဇန်နဝါရီလအထိ တရုတ်နိုင်ငံတစ်ဝန်း မူးယစ်ဆေးနှင့်ဆက်နွှယ်သည့် ရာဇ၀တ်မှုပေါင်း ၃၈,၀၀၀ ခန့်ကို နှိမ်နင်းနိုင်ခဲ့ပြီး မူးယစ်ဆေးမျိုးစုံ ၂၈ တန်ကျော် ကို ဖမ်းဆီးရမိခဲ့ကြောင်း ပြည်သူ့လုံခြုံရေးဝန်ကြီးဌာနကပြောကြားခဲ့သည်။

နိုင်ငံတော်မူးယစ်ဆေးတိုက်ဖျက်ရေးလှုပ်ရှားမှု၏ တစ်စိတ်တစ်ဒေသအနေဖြင့် ကြီးလေး‌ေသာ မူးယစ်ဆေးနှင့်ဆက်နွှယ်သည့်ပြစ်မှုများတွင် ပါဝင်ပတ်သက်နေသည့် အလိုရှိစာရင်းရှိ တရားခံပြေးခုနစ်ဦးကိုလည်း ပြည်သူ့လုံခြုံရေးအာဏာပိုင်များက  ဖမ်းဆီးခဲ့ကြောင်းသိရသည်။

မူးယစ်ဆေးထုတ်လုပ်မှုကို ထိန်းချုပ်ရန်အတွက် တရုတ်ရဲများသည် ၂၀၂၄ ခုနှစ်အတွင်း မူးယစ်ဆေးသုံးစွဲမှုအပါအဝင် အမှုပေါင်း ၁၅၁ မှုကို ကိုင်တွယ်နိုင်ခဲ့ပြီး မူးယစ်ဆေးတန်ချိန် ၁,၄၀၀ ကျော် ကို သိမ်းဆည်းရမိခဲ့သည်ဟုလည်းသိရသည်။

ထို့အပြင် ပြည်သူ့လုံခြုံရေးအာဏာပိုင်များသည် မူးယစ်ဆေးဝါးသုံးစွဲမှုနှင့် ဓာတုပစ္စည်းများတင်ပို့ရောင်းချမှုနှစ်ခုစလုံးကို ပိုမို ထိန်းချုပ်ထားသည်ဟုလည်းပြောကြားခဲ့သည်။

ဆက်လက်၍လည်း မူးယစ်ဆေးကိစ္စကို ထိထိမိမိထိန်းချုပ်နိုင်ရန်အတွက် တရုတ်နိုင်ငံအနေဖြင့် ဒေသတွင်းနှင့်ကမ္ဘာလုံးဆိုင်ရာမိတ်ဖက်နိုင်ငံများနှင့်ပါ ပူးပေါင်းလုပ်ဆောင်သွားမည်ဖြစ်သည်ဟုလည်း ပြောကြားခဲ့သည်။

Source : ရှင်းဟွာ