ဗီယန်ကျင်း၊နိုဝင်ဘာ ၂၁
တရုတ်နှင့်လာအိုတို့သည် “Peace Train-2024” အမည်ရှိ လူသားချင်းစာနာမှုေသာ ဆေးကုသကယ်ဆယ်ရေးလေ့ကျင့်ခန်းကို လာအိုနိုင်ငံအလယ်ပိုင်း ဗီယန်ကျန်းပြည်နယ် Phonhong ခရိုင်ရှိ Phonhong ရထားဘူတာ၌ ပြုလုပ်လေ့ကျင့်ခဲ့ကြောင်းသိရသည်။
ဗုဒ္ဓဟူးနေ့ကပြုလုပ်ခဲ့သည့် အဆိုပါ စစ်ရေးလေ့ကျင့်မှုတွင် တရုတ်နှင့် လာအို စစ်ဘက်ဆိုင်ရာ ပူးတွဲကွပ်ကဲမှု နှင့် ပူးတွဲကယ်တင်ခြင်းများကို အဓိကထား လေ့ကျင့်ခဲ့သည်ဟုလည်းသိရသည်။
အဆိုပါလေ့ကျင့်မှု၌ ဒဏ်ရာရရှိသူများနှင့် ဖျားနာသူများကို ကုသရေး၊ကျန်းမာရေးနှင့် ကူးစက်ရောဂါ ကာကွယ်ရေးနှင့် စိတ်ပိုင်းဆိုင်ရာစသည့် သင်တန်းများကို နှစ်ဖက်ပူးပေါင်းဆောင်ရွက်ခဲ့သည်ဟုလည်းဆိုသည်။
ယခုလေ့ကျင့်မှုတွင် လေ့ကျင့်ခန်းခွဲများစွာနှင့် စုစည်းလေ့ကျင့်မှုများပါဝင်ပြီး နှစ်ဖက်လုံးမှဆေးအဖွဲ့များသည် အောင်မြင်စွာ ပူးပေါင်းဆောင်ရွက်နိုင်ခဲ့သည်ဟုလည်းဆိုသည်။
လေ့ကျင့်မှုတွင် ရှာဖွေကယ်ဆယ်ရေးတပ်ဖွဲ့ဝင်များသည် သဘာဝဘေးဒဏ်သင့်ရာေနရာသို့ လျင်မြန်စွာဝင်ရောက်၍ ထိခိုက်ဒဏ်ရာရရှိသူများကို ရှာဖွေကယ်ဆယ်ကာ မြန်မြန်ဆန်ဆန်တုန့်ပြန်ဆောင်ရွက်နိုင်ရေးအတွက်လည်းလေ့ကျင့်ခဲ့ကြသည်။
ပူးတွဲလေ့ကျင့်မှုအပြီးတွင် ပါဝင်သူအားလုံးသည် ချို့ယွင်းချက်များကို ပြန်လည်သုံးသပ်ခြင်း၊အကျဉ်းချုံ့မှတ်ချက်ပေးခြင်း၊စံချိန်စံညွှန်းသတ်မှတ်ထားသော ပူးတွဲကယ်ဆယ်ရေးလုပ်ငန်းများနှင့်ပံ့ပိုးမှုညှိနှိုင်းဆောင်ရွက်ခြင်းများလည်းပြုလုပ်ခဲ့ကာ ပူးတွဲလေ့ကျင့်မှုများ၏ အရည်အသွေးနှင့်ထိရောက်မှုကို မြှင့်တင်ပေးရန်လည်းကြိုးပမ်းခဲ့ကြသည်။
Source : ရှင်းဟွာ