ဖနောင်ပင်၊ဇန်နဝါရီ ၁၂
တရုတ်နိုင်ငံမှ ကွမ်ကျိုးစက်မှုရင်းနှီးမြှုပ်နှံရေး ဦးပိုင်လုပ်ငန်းစု (GIIHG) ၏ပံ့ပိုးကူညီမှုဖြင့် ဝမ်လီကားတာရာ ကုမ္ပဏီသည် ကမ္ဘောဒီးယားအရှေ့တောင်ပိုင်းရှိပြည်နယ်တစ်ခုတွင် ကားတာယာစက်ရုံကို တနင်္ဂနွေနေ့တွင် စတင်တည်ဆောက်ခဲ့ကြောင်း ကမ္ဘောဒီးယားဖွံ့ဖြိုးတိုးတက်ရေးကောင်စီ၏ သတင်းထုတ်ပြန်ချက်အရသိရသည်။
ကမ္ဘောဒီးယား နိုင်ငံဒုဝန်ကြီးချုပ် ကမ္ဘောဒီးယားဖွံ့ဖြိုးတိုးတက်ရေးကောင်စီ (CDC) ပထမ ဒုတိယဥက္ကဌ ဆွန်ချန်ထော သည် အဆိုပါစက်ရုံ၏ ပန္နက်ရိုက်အခမ်းအနားသို့တက်ရောက်ခဲ့ကြောင်းသိရသည်။
ယခုဆောက်လုပ်နေသည့် တာယာစက်ရုံသည် လုပ်ငန်းစတင်လည်ပတ်ချိန်၌ ကမ္ဘောဒီးယားနိုင်ငံသားများအတွက် အလုပ်အကိုင်အခွင့်အလမ်း ၁,၀၀၀ ခန့် ဖန်တီးပေးနိုင်လိမ့်မည်ဖြစ်သည်။
ဆက်လက်၍ ပန္နက်တင်အခမ်းအနား၌ CDC ဒုတိယဥက္ကဌကယခုရင်းနှီးမြှုပ်နှံမှုစီမံကိန်းသစ်သည် ကမ္ဘောဒီးယားနှင့်တရုတ်တို့အကြား ရပ်ဝန်းနှင့်လမ်းမ (BRI) ၏မူဘောင်အောက်မှ ပူးပေါင်းဆောင်ရွက်မှု၏ အသီးအပွင့်ဖြစ်ကြောင်းပြောကြားခဲ့သည်။
လက်ရှိတွင် ကမ္ဘောဒီးယားနိုင်ငံတစ်ဝန်း အထူးစီးပွားရေးဇုန်များတွင် ကားတာယာထုတ်လုပ်ရေး စီမံကိန်း ခြောက်ခုကို ဆောင်ရွက်လျက်ရှိသည်ဟုလည်း အဆိုပါ သတင်းထုတ်ပြန်ချက်အရသိရသည်။
Source : ရှင်းဟွာ