ယနေ့ စက်တင်ဘာလ ၃ ရက်တွင် ရန်ကုန်တက္ကသိုလ်၏ Research and Innovation Center ၌ တရုတ်-မြန်မာလူငယ်များ ဆွေးနွေးဖလှယ်ရေးအစီအစဉ်နှင့် ၂၀၂၆ ခုနှစ်၊ တတိယသုံးလပတ် တရုတ်-မြန်မာမီဒီယာတွေ့ဆုံပွဲကို ကျင်းပခဲ့သည်။
အဆိုပါ အခမ်းအနားသို့ မြန်မာနိုင်ငံဆိုင်ရာ တရုတ်သံရုံးမှ သံမှူးကြီးနှင့် သံရုံးတာဝန်ရှိသူများ၊ ရန်ကုန်တက္ကသိုလ်မှ ပါမောက္ခချုပ် ဒေါက်တာသောင်းထိုက်၊ ပြည်သူ့လွှတ်တော် ကိုယ်စားလှယ်နှင့် Myanmar Insider ၏ CEO ဦးအေးချမ်း၊ ရန်ကုန်တက္ကသိုလ်မှဆရာ/မများ၊ ကျောင်းသား/သူများနှင့် ဖိတ်ကြားထားသည့်ဧည့်သည်တော်များ စုံလင်စွာတက်ရောက်ခဲ့သည်။
တရုတ်-မြန်မာလူငယ်များ ဆွေးနွေးဖလှယ်ရေးအစီအစဉ်တွင် မြန်မာနိုင်ငံဆိုင်ရာတရုတ်သံရုံးမှ လူငယ်သံတမန်များနှင့် ရန်ကုန်တက္ကသိုလ်မှ ကျောင်းသား/သူများက အပြုသဘောဆောင်ကာ အမြင်ချင်းဖလှယ်ဆွေးနွေးခဲ့ကြသည့်အပြင် Free Exchange Session လွတ်လပ်စွာ ဆွေးနွေးဖလှယ်အစီအစဉ်တွင်လည်း ဖိတ်ကြားထားသည့် ဧည့်သည်တော်များမှ တရုတ်-မြန်မာ ချစ်ကြည်ရေးနှင့် တရုတ်နိုင်ငံအပေါ်ထားရှိသည့် အမြင်သဘောထားများကို အပြုသဘောဆောင် ဆွေးနွေးမျှဝေခဲ့ကြသည်။