ပေကျင်း၊ဖေဖော်ဝါရီ ၂၇
တယ်လီကွန်းလိ-မ်လည်မှုနှင့်နယ်စပ်ဖြတ်ကျော်ရာဇဝတ်မှုများအား တိုက်ဖျက်နေစဉ်အတွင်း လိ-မ်လည်ခံခဲ့ရသည့် တရုတ်နိုင်ငံသား ၄၀ ဦးကိုထိုင်းမှတစ်ဆင့်နေရပ်ပြန်ပို့လိုက်ကြောင်းသိရသည်။
ယခုဖြစ်စဉ်ကိုကြည့်ခြင်းအားဖြင့် ထိုင်းနှင့်တရုတ်အကြား အာဏာပိုင်အဖွဲ့အစည်းများ၏ တယ်လီကွန်းလိ-မ်လည်မှုနှင့်နယ်စပ်ဖြတ်ကျော်ရာဇဝတ်မှုများကိုပူးပေါင်းတိုက်ဖျက်နိုင်သည့်နမူနာကောင်းတစ်ခုဖြစ်လာသည်ဟုလည်းဆိုသည်။
အဆိုပါလိ-မ်လည်ခံရသူများသည် တယ်လီကွန်းလိ-မ်လည်ဂိုဏ်းများ၏သားကောင်ဘဝရောက်ရှိပြီး ယခုကဲ့သို့ပိုက်စိပ်တိုက်ဖမ်းဆီးအရေးယူချိန်၌ ထိုင်းနိုင်ငံတွင်သောင်တင်ကျန်ရစ်ခဲ့ကြခြင်းဖြစ်သည်ဟုလည်းသိရသည်။
၎င်းတို့၏မိသားစုဝင်များသည် ၎င်းတို့ပြန်လွတ်ရေးအတွက် အစိုးရကိုအကူအညီတောင်းခံထားကြပြီး တရုတ်အစိုးရအနေဖြင့်လည်း ပြည်သူများ၏အကျိုးစီးပွားကိုကာကွယ်မည်ဟူသော၎င်း၏ကတိစကားအတိုင်း စွမ်းစွမ်းတမံဆောင်ရွက်ခဲ့ခြင်းဖြစ်သည်ဟုဆိုသည်။
ယခုပြန်လည်ပို့ဆောင်ခံရသူ တစ်ဦးချင်းစီ၏ ဥပဒေဆိုင်ရာအခွင့်အရေးများကို အပြည့်အဝကာကွယ်ပေးထားကာ လိုအပ်သည့် ဥပဒေလုပ်ငန်းစဉ်များပြီးသည်နှင့် ၎င်းတို့၏မိသားစုများနှင့်ပတ်ဝန်းကျင်အတွင်း ပြန်လည်ပို့ဆောင်ပေးမည်ဖြစ်ကြောင်းလည်းထပ်လောင်းပြောကြားခဲ့သည်။
Source : ရှင်းဟွာ