ရန်ကုန်တိုင်းဒေသကြီးတွင် စုံ/မ စနစ်ဖြင့် မော်တော်ယာဉ် မောင်းနှင်းရန် သတ်မှတ်ချက်ကို ပယ်ဖျက်ပေးရန် ရန်ကုန်တိုင်းဒေသကြီး၊ ကျောက်တံတားမြို့နယ် လွှတ်တော်ကိုယ်စားလှယ် ဦးသိန်းနိုင်က ယနေ့ တိုင်းလွှတ်တော်တွင် မေးမြန်းခဲ့ကြောင်း သိရသည်။
ယနေ့ ကျင်းပည့် တတိယအကြိမ် ရန်ကုန်တိုင်းဒေသကြီးလွှတ်တော် ဒုတိယပုံမှန်အစည်းအဝေး တွင် မေးမြန်းခဲ့ခြင်းလည်း ဖြစ်သည်။
စက်သုံးဆီတန်းဆီဝယ်ယူမှုများနည်းပါးသွားပြီး စက်သုံးဆီဆိုင်များတွင်လည်း ရောင်းချမှုကို စုံ/မ ကန့်သတ်ထားပြီးဖြစ်ရာ လမ်းပေါ်တွင် စုံ/မ စနစ်ကို ထပ်မံကန့်သတ်ထားခြင်းဖြင့် စက်သုံးဆီချွေတာရေးထက် ပြည်သူများ လူမှုရေး၊စီးပွားရေး၊ပညာရေးကို ခက်ခဲစေကြောင်းလည်း ရန်ကုန်တိုင်းဒေသကြီးလွှတ်တော်ကိုယ်စားလှယ် ဦးသိန်းနိုင်က ယနေ့ တိုင်းလွှတ်တော်တွင် မေးမြန်းစဉ် ထည့်သွင်းပြောကြားခဲ့သည်။
အဆိုပါ ကိစ္စနှင့် ပတ်သက်ပြီး ရန်ကုန်တိုင်းဒေသကြီး အစိုးရအဖွဲ့ လျှပ်စစ်စွမ်းအင်၊စက်မှု နှင့် လမ်းပန်းဆက်သွယ်ရေးဝန်ကြီး ဒေါက်တာမျိုးသော်က စုံ/မ ကန့်သတ်ချက်ဖြင့် မောင်းနှင်ခြင်းကို အမျိုးသားကာကွယ်ရေးနှင့် လုံခြုံရေးကောင်စီ (သတင်းထုတ်ပြန်ရေးအဖွဲ့) က ထုတ်ပြန်ခဲ့ခြင်း ဖြစ်ကြောင်းသာ ပြန်လည်ဖြေကြားခဲ့ကြောင်း သိရသည်။
အဆိုပါ မေးခွန်းမေးမြန်းမှုသည် ဒုတိယ အကြိမ် မေးမြန်းခြင်းဖြစ်ပြီး ပြီးခဲ့သည့် ဇွန်လ ၂ ရက်နေ့က ကျင်းပသည့် ပြည်ထောင်စုအဆင့် ပြည်သူ့ လွှတ်တော် အစည်းအဝေးတွင်လည်း လင်းခေးမြို့နယ်ပြည်သူလွှတ်တော် ကိုယ်စားလှယ် စိုင်းထွန်းစံ (ခ) စိုင်းဆေဟန် က ဆက်စပ်မေးခွန်းတွင်လည်း စုံ/မ ကိစ္စကို ထည့်သွင်းမေးမြန်းမှုများ လုပ်ဆောင်ခဲ့ကြောင်း သိရသည်။
ပြည်ထောင်စုအဆင့်ဖြစ်သည့် ပြည်သူလွှတ်တော်အစည်းဝေး မှာ မေးမြန်းချက်တွင်လည်း အဆိုပါ စုံမ ကိစ္စ သတ်မှတ်ခြင်းသည့် နိုင်ငံတော် ကချ မှတ်ထားသည့် မူဝါဒဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာန တာဝန်ရှိသူ က ပြန်လည်ဖြေကြားသည်။
မော်တော်ယာဉ်များနှင့် မော်တော်ဆိုင်ကယ်များကို စုံ/မ ရက် ခွဲခြားမောင်းနှင်ရန် ကန့်သတ်ချက်ကို ၂၀၂၆ ခုနှစ် မတ်လ ၃ ရက်နေ့တွင် အမျိုးသားကာကွယ်ရေးနှင့် လုံခြုံရေးကောင်စီ (သတင်းထုတ်ပြန်ရေးအဖွဲ့) က ထုတ်ပြန်ခဲ့ခြင်းလည်း ဖြစ်သည်။