စင်္ကာပူနှင့်အိန္ဒိယဝန်ကြီးများပူးပေါင်းဆောင်မှုနှင့်အခွင့်အလမ်းများရှာဖွေဖော်ထုတ်ရန် ဖိုရမ်သစ်သို့တက်ရောက်

စင်္ကာပူနှင့်အိန္ဒိယဝန်ကြီးများပူးပေါင်းဆောင်မှုနှင့်အခွင့်အလမ်းများရှာဖွေဖော်ထုတ်ရန် ဖိုရမ်သစ်သို့တက်ရောက်

စင်္ကာပူ၊စက်တင်ဘာ ၁၇

စင်္ကာပူဒုတိယဝန်ကြီးချုပ် လော်ရန့်စ်ဝေါင်းဦးဆောင်သောအဖွဲ့သည် စက်တင်ဘာ ၁၇ ရက်က နယူးဒေလီ၌ကျင်းပသည့်  အိန္ဒိယ – စင်္ကာပူ ဝန်ကြီးများဆိုင်ရာဆွေးနွေးပွဲဖွင့်ပွဲအခမ်းအနားသို့ တက်ရောက်ခဲ့ကြောင်းသိရှိရသည်။

နှစ်နိုင်ငံအကြား ဝန်ကြီးများအဆင့်တွေဆုံမှုအသစ်သည် လက်ရှိပူးပေါင်းဆောင်ရွက်မှုကို ပိုမိုနက်ရှိုင်းလာစေရန်နှင့် အသစ်ပေါ်ပေါက်လာသော နယ်ပယ်များတွင်ပူးပေါင်းဆောင်ရွက်နိုင်မည့် အခွင့်အလမ်းများကို ရှာဖွေဖော်ထုတ်ရန် ကြိုးပမ်းလျက်ရှိသည်။

ဒုတိယဝန်ကြီးချုပ်အဖြစ် အိန္ဒိယသို့ပထမဆုံးအကြိမ် တရားဝင်လာရောက်သည့် မစ္စတာ ဝေါင်းသည် နိုင်ငံခြားရေးဝန်ကြီး Vivian Balakrishnan, ကုန်သွယ်ရေးနှင့်စက်မှုဝန်ကြီးတစ်ဦးဖြစ်သကဲ့သို့ ပို့ဆောင်ရေးဝန်ကြီးတစ်ဦးလည်းဖြစ်သည့် မစ္စတာ Gan Kim Yong နှင့် ကုန်သွယ်ရေးနှင့်ဆက်ဆံရေးတာဝန်ခံ S Iswaran တို့လည်းပါဝင်သည်။

အိန္ဒိယဘဏ္ဍာရေးဝန်ကြီး Nirmala Sitharaman , ပြည်ပရေးရာဝန်ကြီး S Jaishankar နှင့် ကူးသန်းရောင်းဝယ်ရေးနှင့်စက်မှုလက်မှုဝန်ကြီး Piyush Goyal နှင့် စားသုံးသူရေးရာ၊အစားအသောက်နှင့် ပြည်သူ့ဖြန့်ဖြူးရေးနှင့် အထည်အလိပ်ဆိုင်ရာဝန်ကြီးတို့တွေ့ဆုံခဲ့ကြသည်။

“ISMR သည် ကိုဗစ်ပြန်လည်ထူထောင်ရေးအဆင့်တွင် လျင်မြန်စွာပြောင်းလဲနေသော ပထဝီနိုင်ငံရေးဆိုင်ရာတိုးတက်မှုများနှင့် ဆက်လက်ဖြစ်ပေါ်နေသော ထောက်ပံ့ရေးကွင်းဆက်များပြတ်တောက်မှုများကြောင့် အပြန်အလှန်အကျိုးရှိသောပူးပေါင်းဆောင်ရွက်မှုများအတွက် အခွင့်အလမ်းများကိုရှာဖွေရန်ဦးတည်သောဖိုရမ်တစ်ခုဖြစ်ပါသည်” ဟု ကုန်သွယ်ရေးနှင့်စက်မှုဝန်ကြီးဌာန၏ သတင်းထုတ်ပြန်ချက်တွင်ဖော်ပြထားသည်။

ဝန်ကြီးများသည်မဟာဗျူဟာကျသော ယုံကြည်မှုကိုနက်နက်ရှိုင်းရှိုင်းထိန်းသိမ်းထားခြင်းဖြင့် အိန္ဒိယနှင့်စင်္ကာပူတို့အကြားရေရှည်အကျိုးရှိသော ဆက်ဆံရေးကိုလည်းအတည်ပြုခဲ့သည်။

ယခုဆွေးနွေးပွဲတွင် စားနပ်ရိက္ခာဖူလုံရေး၊စွမ်းအင်ဖူ လုံရေး၊ဒစ်ဂျစ်တယ်အသွင်ကူးပြောင်းရေး၊နည်းပညာနှင့်ကျွမ်းကျင်မှုဖွံ့ဖြိုးတိုးတက်ရေးတို့အပါအဝင် ခေါင်းစဉ်အမျိုးမျိုးဖြင့်ဆွေးနွေးခဲ့ကြကြောင်းလည်း ဝန်ကြီးဌာနများကဆက်လက်ပြောကြားခဲ့သည်။

ဖေ့စ်ဘုတ်ပို့စ်တစ်ခု၌ မစ္စတာလော်ရန့်စ်ဝေါင်းက စင်္ကာပူနှင့်အိန္ဒိယတို့သည် ၅၇ နှစ်ကြာသံတမန်ဆက်ဆံရေးနှင့် သမိုင်းဝင်ယဉ်ကျေးမှုနှင့် မိသားစုကဲ့သို့သောခိုင်မာသည့်ဆက်ဆံရေးမျိုးရှိခဲ့ကြသည်ဟုဆိုထားသည်။

“ဒီဝန်ကြီးများအဆင့်ဆွေးနွေးပွဲပလက်ဖောင်းကနေတစ်ဆင့် နှစ်နိုင်ငံဆက်ဆံရေးကို အဆင့်သစ်တစ်ခုဆီရောက်ဖို့ကျွန်တော်တို့ကြိုးစားနေပါတယ်” ဟု လည်း၎င်းကဆက်လက်ပြောကြားခဲ့သည်။ထို့ပြင် ၂၀၂၃ ခုနှစ် G – 20 အစည်းအဝေးအား အိန္ဒိယ၏ဦးဆောင်မှုဖြင့်ကျင်းပမည့်အချိန်တွင် အဆိုပါအစည်းအဝေးသို့ အိန္ဒိယကိုဖိတ်ကြားခြင်းအတွက် ကျေးဇူးတင်ရှိကြောင်းလည်းပြောကြားခဲ့သည်။

မစ္စတာလော့ရန့်စ်ဝေါင်းသည် တနင်္ဂနွေနေ့၌ ဂူဂျာရတ်သို့သွားရောက်ကာဂူဂျာရတ်ဒေသ၏အကြီးအကဲ မစ္စတာ Bhupendrabhai Patel နှင့်တွေ့ဆုံကာ Gujarat International Finance City သို့သွားရောက်လည်ပတ်မည်ဖြစ်ကြောင်းဖော်ပြထားသည်။

Source –CNA