ကမ္ဘာ့အနှံ့မှာရှိတဲ့ ကလေးပေါင်း အယောက် ၅၅၀ ကျော်ရဲ့ ဖခင်ဖြစ်တယ်လို့ စွပ်စွဲခံထားရသူ ဒတ်ချ်အမျိုးသားတစ်ဦးကို သုက်လှူနေတာကို ရပ်ဖို့ နယ်သာလန် တရားရုံးက အမိန့်ချမှတ်ခဲ့ပါတယ်။
သူကတော့ အသက် ၄၁ နှစ်အရွယ် ဂျွန်နသန် ဆိုသူဖြစ်ပြီး ၂၀၀၇ ခုနှစ်ကတည်းက သုက်ပိုး လှူဒါန်းနေသူ ဖြစ်ပါတယ်။
ဒီကိစ္စနဲ့ ပတ်သက်ပြီး တရားစွဲခဲ့တဲ့သူကတော့ ဂျွန်နသန်ရဲ့ သုက်ပိုး နဲ့ ကလေးမွေးထားတဲ့ မိခင်တစ်ဦးနဲ့ သုက်ပိုး အလှူကြောင့် ရလာတဲ့ ကလေးသူငယ်တွေရဲ့ အခွင့်အရေးကို ကာကွယ်ပေးတဲ့ ပရဟိတ အဖွဲ့အစည်းတို့ပဲ ဖြစ်ပါတယ်။ သူတို့ဟာ ဂျွန်နဲ့ ရလာတဲ့ ကလေးတွေ ကြီးပြင်းလာတဲ့အခါ အချင်းချင်း လက်ထပ်ပေါင်းသင်းမိကြမှာကို စိုးရိမ်တဲ့အတွက် တရားစွဲခဲ့တာပါ။
နယ်သာလန်ရဲ့ ဆေးဘက်ဆိုင်ရာ လမ်းညွှန်ချက်တွေအရ သုက်ပိုး အလှူရှင်တစ်ဦးဟာ မိသားစု ၁၂ စုအတွင်း ကလေး ၂၅ ယောက်ထက် ပိုပြီး သုက် လှူဒါန်းခွင့်မရှိပါဘူး။
ဒါကြောင့် ဂျွန်နသန်ကို ကလေးအယောက် တစ်ရာရဲ့ ဖခင်ဖြစ်တယ်ဆိုပြီး သတင်းထွက်ခဲ့တဲ့ ၂၀၁၇ ခုနှစ်ကတည်းက နယ်သာလန်က သားဖွားမီးယပ်ဆေးခန်းတွေမှာ သုက် မလှူဖို့အတွက် တားမြစ်ထားခဲ့ပါတယ်။ ဒါပေမယ့် ဂျွန်ဟာ ရပ်တန့်မသွားဘဲ နိုင်ငံခြားနဲ့ အင်တာနက်ပေါ်မှာ သူ့ရဲ့ သုက်ပိုးတွေကို အဆက်မပြတ် ဆက်လက်လှူဒါန်းနေခဲ့တာပါ။
လက်ရှိမှာတော့ တရားရုံးက ဂျွန်ကို ကလေးယောက် ၅၅၀ နဲ့ ၆၀၀ ကြား မွေဖွားရာမှာ ကူညီခဲ့သူအဖြစ် သတ်မှတ်လိုက်ပြီး သုက်ပိုး လှူခွင့်ကို တရားဝင်တားမြစ်လိုက်ပါတယ်။ ဆက်လှူနေပါက ဒေါ်လာ ၁ သိန်းကျော် ဒဏ်ရိုက်သွားမယ်လို့လည်း အမိန့်ချမှတ်ခဲ့ပါတယ်။
Source: The Guardian
