နေပြည်တော်ရှိ လူငယ်အားကစားလေ့ ကျင့်ရေးစခန်း (You th Camp)ရှိ အုပ်ချုပ်သူနှင့် နည်းပြများအနေဖြင့် လူငယ်ကစားသမားများ အတုယူထိုက်သည့် စံပြပုဂ္ဂိုလ်များဖြစ်အောင် နေထိုင်ကြရန် အားကစားနှင့်ကာယပညာဦးစီးဌာန ဒုတိ ယ ညွှန်ကြားရေးမှူးချုပ် ဦးကျော်ဦး က မှာကြားသည်။
အုပ်ချုပ်သူနှင့် နည်းပြများအနေဖြင့် လေ့ကျင့်ရေးဇုန်အ တွင်း အရက်၊ မူးယစ်ဆေးဝါး၊ ဆေးလိပ်နှင့် ကွမ်းယာစားခြင်းများကို လုံးဝ (လုံးဝ) မပြုလုပ်ကြရန်နှင့် အပြောအဆို၊ အနေအထိုင် စည်းကမ်းရှိရန်လည်း မှာကြားခဲ့သည်။
ထို့ပြင် Grade-12 ဖြေဆိုပြီး ရောက်ရှိလာသည့် အားကစားသမားသစ်များကို ရက်ပေါင်း (၄၀) ကြာ စောင့်ကြည့်မနေဘဲ အရည်အချင်းရှိသူများကို ချက်ချင်းစိစစ်ရွေးချယ်ကာ အရည်အချင်းမပြည့်မမီသူများကို အင်အားလျှော့သွားရန်တဆက်တည်းမှာကြားခဲ့သည်။
အားကစားနည်း (၁၀) နည်းမှ လူငယ်များကို ယခင်စံချိန်များထက် ပိုမိုကောင်းမွန်အောင် Training Programme များဖြင့် စနစ်တကျ မှတ်တမ်းတင် လေ့ ကျင့်ပေးရန်၊ လေ့ ကျင့်ရေးအထောက်အကူပြုပစ္စည်းလိုအပ်ချက်များကို ဖြ ည့်ဆည်းပေးမည်ဖြစ်ပြီး အရှေ့တောင်အာရှ အားကစားပြိုင်ပွဲအတွက် မျိုးဆက်သစ်လက်ရွေးစင်လောင်းများဖြစ်အောင် ပျိုးထောင်ပေးကြရန်လည်း မှာကြားခဲ့သည်။
ဒုတိယညွှန်ကြားရေးမှူးချုပ်နှင့်အဖွဲ့သည် ပြေးခုန်ပစ်၊ လ က်ဝှေ့၊ မြားပစ်၊ ပီတန်း၊ ဂျူဒိုနဲ့ ပိုက်ကျော်ခြင်းစသည့် လေ့ ကျင့်ရေးရုံများကို လိုက်လံကြည့်ရှုခဲ့ပြီး အားကစားသမားများ၏ အခက်အခဲများကို ညှိနှိုင်းဖြည့်ဆည်းပေးခဲ့ကြော င်း သိရသည်။