Y.P.I ကိုရီးယားအထည်ချုပ်စက်ရုံမှ အမျိုးသမီးဝန်ထမ်းအယောက် ၆၀၀ ကျော်ခေါ်ယူမည်
ရန်ကုန်မြို့၊ဒဂုံမြို့သစ်(ဆိပ်ကမ်း)မြို့နယ်၊ကျီစုစက်မှုဇုန်၊ကနောင်မင်းသားကြီးလမ်းရှိ ကိုရီးယားအထည်ချုပ်စက်ရုံဖြစ်သည့် Yangon Pan- Pacific International Co., LTD.( Y. P. I )မှ အ သက် ၁၈ နှစ်ပြည့်ပြီးသည့် အမျိုးသမီးဝန်ထမ်းအယောက် ၆၀၀ ကျော်ခေါ်ယူသွားမည်ဖြစ် ကြောင်း သိရသည်။
အဆိုပါ အထည်ချုပ်စက်ရုံတွင် လိုင်းအသစ်များထပ်မံတိုးချဲ့မည်ဖြစ်၍ လခစားဝန်ထမ်းများအ ဖြစ်ဝင်ရောက်လုပ်ကိုင်ရန် စက်ရုံမှတိုက်ရိုက်ခေါ်ယူခြင်းဖြစ်ကာ လာရောက်လျှောက်ထားသူများအနေဖြင့် အလုပ်လျှောက်လွှာဖောင်ယူဆောင်လာရန်မလိုအပ်ကြောင်း သိရသည်။
စက်ချုပ်ကျွမ်းကျင်၊စက်ချုပ်ခေါင်းဆောင်၊ကြီး ကြပ်ရေးမှူး၊ကြီးကြပ်ရေးမှူးခေါင်းဆောင်၊ QC ၊ QA ၊ CAD နှင့် Pattern နေရာများ၌ ဝင်ရောက်လုပ်ကိုင်ရမည်ဖြစ်သည်။
အလုပ်လျှောက်ထားရာတွင် မှတ်ပုံတင်မူရင်း၊နှင့်မိတ္တူ၊လိုင်စင်ဓာတ်ပုံ ၂ ပုံယူဆောင်လာရမည်ဖြစ်ကာ လာရောက်လျှောက်ထားသည့်ရက်တွင် လူတွေ့စစ်ဆေးမှုချက်ခြင်းဖြေဆို၍ အောင်မြင်ပါက နောက်ရက်တွင်အလုပ်စတင်ဆင်းနိုင်မည်ဖြစ် သည်။လူတွေ့စစ်ဆေးခြင်းအား နေ့စဥ်နံနက် ၈ နာရီမှစတင်ပြုလုပ်သွားမည်ဖြစ်သည်။
လူတွေ့စစ်ဆေးရာတွင် စစ်ဆေးခံမည့်သူ ၁၀ ဦးအထက်ရှိပါက စက်ရုံမှကားစီစဥ်ပေးသွားမည်ဖြစ်ကြောင်း သိရသည်။
ထိုသို့ ဝန်ထမ်းများခေါ်ယူရာတွင် မည်သည့်ဖောင်ကြေးမျှပေးသွင်းရန်မလိုအပ်ဘဲ အခြေခံလစာအဖြစ် Helper တစ်ဦးလျင် ၅၂၀၀ ကျပ်မှစတင်ပေးသွားမည်ဖြစ်ပြီး Operator လစာများမှာ ကျွမ်းကျင်မှုအလိုက်ပိုမိုများပြားမည်ဖြစ်ကာ စ နေနေ့တစ်ဝက်၊တနင်္ဂနွေနေ့နှင့်အစိုးရရုံးပိတ်ရက်များ၌ စက်ရုံပိတ်ပေးသွားမည်ဖြစ်ကြောင်း သိရသည်။
ထို့ပြင် ဝန်ထမ်းများအားလုံးအတွက် စက်ရုံကြို/ပို့ကားရှိကာ ဆရာဝန်၊သူနာပြုတစ်ဦးအား ဝန် ထမ်းများ၏ကျန်းမာရေးအတွက် အချိန်ပြည့်ထားရှိပေးပြီး အခမဲ့ဆေးကုသမှုပေးခြင်း၊အ တော်ဆုံးဝန်ထမ်းများအား ဆုချီးမြှင့်ခြင်း၊လူမှု ဖူလုံရေးအကျိုးခံစားခွင့်ပေးခြင်း၊နှစ်စဉ်လုပ် သက်ဆုကြေးနှင့်သင်္ကြန်ကာလဆုကြေးများအား ခံစားခွင့်ပေးသွားမည်ဖြစ်ကြောင်း သိရသည်။
အဆိုပါ Y.P.I အထည်ချုပ်စက်ရုံသည် မြန်မာနိုင် ငံ၌ ၂၂ နှစ်ကျော်ကြာဖွင့်လှစ်လုပ်ကိုင်လျက်ရှိသည့် ကိုရီးယားအထည်ချုပ်စက်ရုံဖြစ်ကြောင်း သိရသည်။