မြန်မာနိုင်ငံအတွက်အောင်မြင်သည့် ရွေးကောက်ပွဲဖြစ်မည်ကိုယုံကြည်ဟု Mr. Igor Borisov ပြော
ပြည်ထောင်စုရွေးကောက်ပွဲကော်မရှင်(UEC)ဥက္ကဋ္ဌဦးသန်းစိုးနှင့် ရုရှားနိုင်ငံ၊ ဗဟိုရွေးကောက်ပွဲကော်မရှင်အ ဖွဲ့ဝင် Mr. Igor Borisov တို့ ယနေ့ ဒီဇင်ဘာ ၂၇ ရက်မွန်းလွဲ ၂ နာရီခွဲက နေပြည်တော်၌တွေ့ဆုံခဲ့ကြသည်။
တွေ့ဆုံစဥ် ရုရှားနိုင်ငံ၊ ဗဟိုရွေးကောက်ပွဲကော်မရှင်အ ဖွဲ့ဝင် Mr. Igor Borisov က ရုရှားနိုင်ငံအနေဖြင့် ယခုလို လာရောက်လေ့လာခွင့်ရ၍ ဝမ်းသာဂုဏ်ယူမိကာ မြန် မာနိုင်ငံအတွက် အောင်မြင်သည့်ရွေးကောက်ပွဲဖြစ်မည်ဟုယုံကြည်ပြီး ရွေးကောက်ပွဲကိုလေ့လာရန် ဖိတ်ကြားမှုအတွက်အထူးကျေးဇူးတင်သည်ဟု ပြောကြားသည်။
ထို့နောက် UEC ဥက္ကဋ္ဌဦးသန်းစိုးမှ ရုရှားနိုင်ငံအနေဖြင့် မြန်မာနိုင်ငံ၏ ရွေးကောက်ပွဲအပေါ်ထောက်ခံအားပေး မှုနှင့် လာရောက်စောင့်ကြည့်လေ့လာမှုတို့အတွက် အ ထူးကျေးဇူးတင်ကာ လွတ်လပ်ပြီးတရားမျှတသော ရွေးကောက်ပွဲဖြစ်စေရေးအတွက် ဥပဒေ၊ နည်းဥပဒေများနှင့်အညီ ဒီမိုကရေစီစံချိန်စံညွှန်းများအတိုင်း စနစ် တကျဆောင်ရွက်လျက်ရှိသည်ဟု ဆွေးနွေးပြောကြားသည်။
ထို့ပြင် ပွင့်လင်းမြင်သာသည့် ရွေးကောက်ပွဲဖြစ်စေရန် နိုင်ငံတကာ ရွေးကောက်ပွဲစောင့်ကြည့်လေ့လာသူများ၊ နိုင်ငံတကာမီဒီယာနှင့် ပြည်တွင်းမီဒီယာများအား လေ့ လာသတင်းရယူခွင့်ပြုထားမှု၊ နှစ်နိုင်ငံရွေးကောက်ပွဲ ကော်မရှင်များကြား နားလည်မှုစာချွန်လွှာလက်မှတ်ရေးထိုး၍ ပူးပေါင်းဆောင်ရွက်နေမှု၊ ရွေးကောက်ပွဲ တွင် စောင့်ကြည့်လေ့လာရမည့်အစီအစဉ်များနှင့် ရွေး ကောက်ပွဲအောင်မြင်စွာကျင်းပနိုင်ရေးဆောင်ရွက်ထားရှိမှုတို့ကိုလည်း ဆွေးနွေးပြောကြားခဲ့သည်။