မန္တလေးငလျင်ကြီးဒဏ်ကြောင့် ပြိုကျပျက်စီးမှုများဖြစ်ပေါ်ခဲ့သည့် မန္တလေးမြို့ရှိ Sky Villa အဆောက်အဦးအား မီးသတ်တပ်ဖွဲ့ဝင်များက ယနေ့ မေ ၆ ရက်တွင်လည်း ယန္တရားများနှင့်အတူ ဖယ်ရှားရှင်းလင်းမှုများပြုလုပ်ခဲ့ကြသည်။
ထိုသို့ ဖယ်ရှားရှင်းလင်းစဥ် (B)အဆောင်၏ အခန်းအမှတ်(I9)မှ မြန်မာငွေ(၈၃၀၀၀၀၀၀)ကျပ်၊ US ဒေါ်လာ(၁၀၀)တန်(၃၀၀)ရွက်၊ တရုတ်ငွေ(၅၀) တန်(၂)ရွက်၊ (၁၀)တန်(၆)ရွက်၊ ထိုင်းဘတ်ငွေ (၂၀)တန်(၇)ရွက်၊ ရွှေ(၁၀)ကျပ်သားတုံး(၁၀)တုံး၊ (၁)ကျပ်(၄)ပဲတုံး(၂)တုံး၊ (၁)ကျပ်(၃)ပဲတုံး(၁) တုံး၊ ရွှေဆွဲကြိုး(၃၀)ကုံး၊ လက်ကောက်+ဟန်းချိန်း (၂၆)ကုံး၊ လက်စွပ်(၃၅)ကွင်း၊ နားကပ်(၁၃)ရံ၊ ဆွဲသီး(၅)ခု၊ ကျောက်စိမ်းပန်းပု(၂)ခု၊ ပုလဲပုတီး(၂) ကုံး၊ ကျောက်စိမ်းပါလက်စွပ်(၁)ကွင်း၊ iphone (၁)လုံး၊ ipad (၁)လုံး၊ မှတ်ပုံတင်(၃)ခု၊ ဘဏ်စာအုပ်(၉)အုပ်၊ LV ပိုက်ဆံအိတ်(၁)လုံး၊ Dior Cosmetic (၁)ခုနှင့် အရေးကြီးစာရွက်စာတမ်းများကို ရှာဖွေတွေ့ရှိခဲ့ကြောင်း သိရသည်။
ထို့ပြင် (B)အဆောင်၏ အခန်းအမှတ်(J9)မှ ရွှေဆွဲကြိုး(၂)ကုံး၊ စိန်နှင့်မြလက်စွပ်(၁)ကွင်း၊ စိန်နား ကပ်(၁)ရံ၊ စိန်လက်စွပ်(၂)ကွင်း၊ စိန်ဟန်းချိန်း (၁) ကုံး၊ နာရီ(၁)လုံး၊ Macbook(၁)လုံး၊ Ipad (၁) လုံးနှင့် အဝတ်အစားအိတ်(၂)အိတ်တို့ကိုလည်း ရှာဖွေတွေ့ရှိခဲ့ကြောင်း သိရသည်။
ထို့ကြောင့် ရှာဖွေတွေ့ရှိခဲ့သည့် ရွှေ၊ ငွေနှင့် အခြားပစ္စည်းများအား မီးသတ်တပ်ဖွဲ့ဝင်များက ပစ္စည်းပိုင်ရှင်၏ မောင်ဖြစ်သူနှင့် ပစ္စည်းပိုင်ရှင်တို့ထံသို့ ပစ္စည်းလက်ခံလွှဲပြောင်းရေးအဖွဲ့နှင့်အတူ လွှဲပြောင်းပေးအပ်ခဲ့ကြကြောင်း သိရသည်။
ထို့အတူ မီးသတ်တပ်ဖွဲ့ဝင်များသည် Sky Villa အဆောက်အဦး၏ (B)အဆောင်၊ (C)အဆောင်နှင့် (D)အဆောင်တို့အားဖယ်ရှားရှင်းလင်းစဥ် (B)အ ဆောင်မှ အမျိုးသားတစ်ဦး၏ရုပ်အလော-င်းကိုရှာဖွေတွေ့ရှိခဲ့သဖြင့် နံနက် ၁၁ နာရီ ၂၀ မိနစ်တွင် ပြင်ပသို့သယ်ထုတ်ပေးခဲ့ကြကြောင်း သိရသည်။