ငလျင်ကြောင့် ပျ-က်စီးပြိုကျခဲ့သည့် မန္တလေးမြို့ Sky Villa အဆောက်အဦး၏ (B) အဆောင်၊ အခန်းအမှတ် (I9) က ရှာဖွေတွေ့ရှိခဲ့သည့် တန်ဖိုးကြီးပစ္စည်းများအား ပိုင်ရှင်ထံပြန်လည်ပေးအပ်ခဲ့ကြောင်း မြန်မာနိုင်ငံမီးသတ်တပ်ဖွဲ့က ထုတ်ပြန်ထားသည်။
ကယ်ဆယ်ရေးအဖွဲ့ဝင်များက Sky Villa အဆောက်အဦး၏ (B) အဆောင်၊ အခန်းအမှတ် (I9)ကနေ မြန်မာငွေ (၈၃,၀၀၀,၀၀၀) ကျပ်၊ US ဒေါ်လာ (၁၀၀)တန် (၃၀၀) ရွက်၊ တရုတ်ငွေ (၅၀) တန် (၂)ရွက်၊ (၁၀)တန် (၆)ရွက်၊ ထိုင်းဘတ်ငွေ (၂၀) တန် (၇)ရွက်၊ ရွှေ (၁၀) ကျပ်သားတုံး (၁၀) တုံး၊ (၁) ကျပ် (၄)ပဲတုံး (၂) တုံး၊ (၁)ကျပ် (၃)ပဲတုံး (၁) တုံး၊ ရွှေဆွဲကြိုး (၃၀) ကုံး၊ လက်ကောက်+ဟန်းချိန်း (၂၆) ကုံး၊ လက်စွပ် (၃၅) ကွင်း၊ နားကပ် (၁၃) ရံ၊ ဆွဲသီး (၅) ခု၊ ကျောက်စိမ်းပန်းပု (၂) ခု၊ ပုလဲပုတီး (၂) ကုံး၊ ကျောက်စိမ်းပါလက်စွပ် (၁) ကွ င်း၊ iphone (၁) လုံး၊ ipad (၁) လုံး၊ မှတ်ပုံတင် (၃) ခု၊ ဘဏ်စာအုပ် (၉) အုပ်၊ LV ပိုက်ဆံအိတ် (၁) လုံး၊ Dior Cosmetic (၁) ခုနှင့် အရေးကြီးစာရွက်စာတမ်းများကို ရှာဖွေတွေ့ရှိခဲ့ခြင်းဖြစ်သည်။
အဆိုပါ ရှာဖွေတွေ့ရှိခဲ့သည့် တန်ဖိုးကြီး ပစ္စည်းများကို ပစ္စည်းလက်ခံ လွှဲပြောင်းရေးအဖွဲ့နှင့်အတူ ပိုင်ရှင်ကိုယ်စား မောင်တော်စပ်သူထံကို လွဲပြောင်းပေးခဲ့ကြောင်း မီးသတ်ဦးစီးဌာန၏ ထုတ်ပြန်ချက်အရ သိရသည်။