Peace Forum 2025 သည် ပဋိပက္ခများ လျော့နည်းပပျောက်စေပြီး တိုင်းရင်းသားပြည်သူအားလုံးလိုလားတောင့်တသည့် ခေတ်မီဖွံဖြိုးတိုးတက်၍ စည်းကမ်းပြည့်ဝသော ဒီမိုကရေစီနှင့် ဖက်ဒရယ်စနစ်ကို အခြေခံသည့် ငြိမ်းချမ်းသာယာသော အနာဂတ်နိုင်ငံတော်တည်ဆောက်ရေးကို အထောက်အပံ့ဖြစ်စေမည့် ရလဒ်ကောင်းများ ဖော်ထုတ်နိုင်လိမ့်မည်ဟု ယုံကြည်မျှော်လင့်ပါကြောင်း မြန်မာနိုင်ငံအမျိုးသားလူအခွင့်အရေးကော်မရှင် က ဇွန်လ ၂၅ ရက်နေ့ သတင်းထုတ်ပြန်ချက်အရ သိရသည်။
Peace Forum 2025 တွင် တိုင်းရင်းသားလက်နက်ကိုင် အဖွဲအစည်းများ၊ နယ်ပယ်အသီးသီးမှ ထင်ပေါ်ကျော်ကြားသူများ၊ ပြည်တွင်းပြည်ပမှ အသိပညာရှင်၊ အတတ်ပညာရှင်များ၊ နိုင်ငံခြားသံတမန်များ၊ အရပ်ဘက်လူမှုအဖွဲ့အစည်းများ၊ နိုင်ငံရေးပါတီများ၊ ကဏ္ဍအလိုက် ပါဝင်ပတ်သက်သူများ၊ အစိုးရမဟုတ်သော အဖွဲ့အစည်းများ၊ အစိုးရမဟုတ်သော နိုင်ငံတကာအဖွဲ့အစည်းများ၊ ပြည်တွင်းအဖွဲ့အစည်းများပါဝင်ကြကြောင်း သိရှိရသဖြင့် ဝမ်းမြောက်ဂုဏ်ယူကြောင်း လူအခွင့်အရေးကော်မရှင်က ထုတ်ပြန်ချက်တွင် ဖော်ပြထားသည်။
လူ့အခွင့်အရေးနှင့် ငြိမ်းချမ်းရေးမှာ ခွဲခြား၍မရကြောင်းကို မြန်မာနိုင်ငံအမျိုးသားလူအခွင့်အရေးကော်မရှင် က အခိုင်အမာယုံကြည်ကြောင်းနှင့် ရေရှည်တည်တံသည် ငြိမ်းချမ်းရေးသည့် ပဋိပက္ခများ လျော့နည်းပပျေ-ာက်စေရုံသာမက အပြန်အလှန် စာနာနားလည်မှုတည်ဆောက်ခြင်း၊ ဆုံးဖြတ်ချက်များချမှတ်ရာတွင် ပါဝင်နိုင်ခြင်း၊ မတူကွဲပြားမှုများကို လေးစားခြင်းနှင့် တရားဥပဒေအရ တန်းတူအခွင့်အရေးရရှိခြင်း စသည့်အခွင့်အရေးများ ရရှိခံစားရခြင်းပင်ဖြစ်ကြောင်း ကော်မရှင်က တိုက်တွန်းထားသည်။
ကုလသမဂ္ဂ၏ စဉ်ဆက်မပြတ်ဖွံဖြိုးတိုးတက်မှုပန်းတိုင် ၁၆ အရ နိုင်ငံတစ်နိုင်ငံတွင် တရားဥပဒေစိုးမိုးမှုအပေါ်အခြေခံသည့် ငြိမ်းချမ်းရေး၊ တည်ငြိမ်မှုရှိရေး၊ လူ့အခွင့်အရေးနှင့် ကောင်းမွန်သောအုပ်ချုပ်ရေးတို ဖြစ်ပေါ်လာမှသာ စဉ်ဆက်မပြတ် ဖွံဖြိုးတိုးတက်လာမည်ဖြစ်ပါသည်။ ပဋိပက္ခအတွင်း ငြိမ်းချမ်းမှုမရှိခြင်းကြောင့် အပြစ်မဲ့ပြည်သူများသည် ဆင်းရဲနွမ်းပါးမှုတာရှည်ခြင်း၊ ဖွံဖြိုးတိုးတက်မှု နှောင့်နှေးခြင်းများဖြစ်ပေါ်ပြီး လူသားဂုဏ်သိက္ခာနှင့်အညီ ရှင်သန်နေထိုင်နိုင်ရေးနှင့် လူမှုစီးပွားဘဝတိုးတက်ရေးတိုကို ထိခို-က်ဆုံးရှုးမှုများ ဖြစ်ပေါ်စေကြောင်း သိရသည်။